‘విక్కీడోనర్ సినిమా చూసినపుడు షాక్ తగిలింది. మన తెలుగువాళ్లు ఇలాంటి కథలను ఒప్పుకుంటారా అని అనిపించింది. ఒకప్పుడు సిగరెట్ తాగడం నేరం. అలా తాగేవాళ్లు ఇలా దాచుకునేవారు. ఆ తరువాత అది మామూలైపోయింది. మందు తాగడం కూడా వహ్వా అనుకునేవారు. ఇప్పుడెవరైనా తాగరూ అంటే హీనంగా చూస్తున్నారు’ అని నటుడు తనికెళ్ల భరణి తెలిపారు. సుమంత్ కథానాయకుడిగా మల్లిక్‌రామ్ దర్శకత్వంలో రూపొందిన చిత్రం ‘నరుడా డోనరుడా’.

బల్వాన్, ప్రాచి అధికారి జంటగా కృష్ణమోహన్ దర్శకత్వంలో వైష్ణవి మూవీస్, సోహాబ్ ఆర్ట్ ప్రొడక్షన్స్ పతాకంపై సునీల్ సాగర్ రూపొందిస్తున్న యాక్షన్ చిత్రం ‘నైజాం పిల్లోడు’ (వీడు మహా మాస్‌గాడు). ఈ చిత్రానికి సంబంధించిన టాకీపార్ట్ 60 శాతం పూర్తిచేశారు.

చెలిమి విజన్ పతాకంపై రంగస్థల కళాకారులతో పి.ఎం.సుందరరావు స్వీయ దర్శకత్వంలో రూపొందించిన చిత్రం ‘మహాత్మా జ్యోతిరావు పూలే’. ఈ చిత్రానికి సంబంధించిన అన్ని కార్యక్రమాలు పూర్తయ్యాయి. ఈనెల చివరి వారంలో విడుదల చేయనున్నారు. కాగా సినిమాకు సంబంధించిన ఫస్ట్‌లుక్‌ను నిర్మాత తమ్మారెడ్డి భరద్వాజ విడుదల చేశారు. తెలుగులో తొలిసారిగా పూలే జీవిత కథ ఆధారంగా తెరకెక్కిన ఈ చిత్రం అందరికీ నచ్చుతుందన్నారు.

విశాల్, తమన్నా జంటగా హరివెంకటేశ్వర పిక్చర్స్ పతాకంపై జి.హరి అందిస్తున్న చిత్రం ఒక్కడొచ్చాడు. సురాజ్ దర్శకత్వంలో రూపొందిన ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలో భాగంగా డబ్బింగ్ జరుపుతున్నారు. ఈ సందర్భంగా నిర్మాత మాట్లాడుతూ.. జగపతిబాబు, బ్రహ్మానందం డబ్బింగ్ పూర్తిచేశారని, ఈనెల 7న ఆడియోను, 18న సినిమాను విడుదల చేయనున్నామని తెలిపారు.