‘రోజులు మారాయి’ రెండు జంటల ప్రేమ కథతో సాగుతుంది. సోషల్ మీడియావల్ల యువతలో ఎలాంటి మార్పు వచ్చిందనే అంశంతో ఈ సినిమా సాగుతుందని నిర్మాత దిల్‌రాజు తెలిపారు. శ్రీ వెంకటేశ్వరా క్రియేషన్స్, గుడ్ సినిమా గ్రూప్ పతాకంపై మురళీకృష్ణ ముడిదాని దర్శకత్వంలో జి.శ్రీనివాసరావు రూపొందించిన ‘రోజులు మారాయి’ జూలై 1న విడుదలకు సిద్ధమైంది.

సర్వేశ్వరా మూవీస్ పతాకంపై జొన్నలగడ్డ శివ దర్శకత్వంలో గుద్దేటి బసవప్ప రూపొందిస్తున్న చిత్రం ‘పోలీస్ పవర్’. శివ, నందిని కపూర్, ధరణి ప్రధాన తారాగణంగా నటిస్తున్న ఈ చిత్రానికి సంబంధించిన షూటింగ్ పూర్తయింది.

స్పెయిన్ రాజధాని మాడ్రిడ్‌లో జరుగుతున్న 17వ ఇంటర్నేషనల్ ఇండియన్ ఫిల్మ్ అకాడమీ (ఐఫా) అవార్డుల ప్రదానోత్సవం సంరంభం మొదలైంది. బాలీవుడ్‌కు చెందిన 150మంది ప్రముఖులు హాజరైన ఈ వేడుకకు స్పెయిన్‌కు చెందిన సినీ,వ్యాపారరంగ ప్రముఖులూ తోడయ్యారు. గురువారం లాంఛనంగా మొదలైన ఐఫా వేడుకలో తొలిరోజంతా సదస్సులు, చర్చాగోష్టులు జరిగాయి. శుక్రవారం ఫిక్కి-స్పెయిన్ చాంబర్ ఆఫ్ కామర్స్ సంయుక్తంగా పలు అంశాలపై చర్చించాయి.

తెలుగులో కమర్షియల్ సినిమాలే వస్తాయి, ప్రయోగాలు చేయరు అనే అపవాదుని దూరంచేసే పనిలో పడ్డారు తెలుగు హీరోలు, దర్శకులు. ఇప్పటికే ఆ దిశగా అడుగులు పడుతున్నాయి. లేటెస్ట్‌గా ఓ సినిమాలో అంధుడి పాత్రలో నటించేందుకు రెడీ అయ్యాడు రామ్. అన్నిరకాల కమర్షియల్ ఎలిమెంట్స్‌తో తెరకెక్కే ఈ సినిమాలో తాను అంధుడి పాత్ర పోషిస్తున్నానని ట్విట్టర్‌లో పేర్కొన్నాడు. ఈ చిత్రానికి దర్శకత్వం వహిస్తున్నాడు అనిల్‌రావిపూడి.