అమూల్య ప్రొడక్షన్స్ పతాకంపై బాబూనాయక్, కులకర్ణి మమత జంటగా రఘు పూజారి దర్శకత్వంలో తెరకెక్కిస్తున్న చిత్రం ‘డబ్బా శీను’. ఈ చిత్రానికి సంబంధించిన ప్రారంభోత్సవ కార్యక్రమం గురువారం ఉదయం ప్రసాద్ ల్యాబ్‌లో జరిగింది. ముఖ్య అతిథిగా విచ్చేసిన దాసరి నారాయణరావు క్లాప్‌నిచ్చారు. ఈ సందర్భంగా ఆయన మాట్లాడుతూ, ఓ మంచి కథతో ఈ చిత్రాన్ని రూపొందిస్తున్నారని, ఈ సినిమాతో మంచి విజయం అందుకోవాలని కోరుకున్నారు.

తెలుగు, కన్నడ భాషల్లో రూపొందుతున్న చిత్రం ‘శివగామి’. ఈ చిత్రాన్ని తెలుగులో తుమ్మలపల్లి రామసత్యనారాయణ భీమవరం టాకీస్‌పై అందిస్తున్నారు. మనీష్ ఆర్యా, ప్రియాంకారావు, బేబి హాసిని ప్రధాన తారాగణంగా నటిస్తున్నారు. ఈ చిత్రానికి సంబంధించిన ట్రైలర్ విడుదల కార్యక్రమం గురువారం ప్రసాద్ లాబ్‌లో జరిగింది.

నాని.. అచ్చంగా మన పక్కింటి అబ్బాయిలా కనిపించే పాత్రల్లో నటిస్తూ సహజత్వానికి దగ్గరగా, హీరోయిజానికి దూరంగా తన చిత్రాలతో ఆకట్టుకుంటున్నాడు. సినిమా సినిమాకూ విభిన్నతను ప్రదర్శిస్తూ సహజ నటుడిగా గుర్తింపు తెచ్చుకున్నాడు. అటు ప్రయోగాత్మక చిత్రాల్లో నటిస్తూనే ఇటు కమర్షియల్ సినిమాలతో అలరిస్తున్నాడు. నాని తాజాగా నటిస్తున్న చిత్రం ‘జెంటిల్‌మన్’.

దండుపాళ్యం సినిమాతో కన్నడ, తెలుగు ప్రేక్షకులలో చక్కటి గుర్తింపు తెచ్చుకున్న దర్శకుడు శ్రీనివాసరాజు ప్రస్తుతం దండుపాళ్యం-2 చిత్రాన్ని రూపొందిస్తున్నాడు. ఈ సినిమాకు ముందు ఆయన ఉపేంద్ర హీరోగా శివం పేరుతో కన్నడంలో రూపొందించిన చిత్రం సంచలన విజయం సాధించింది.