న్యూఢిల్లీ, మార్చి 14: జర్నలిజంలో విశేష ప్రతిభ కనబరచిన మహిళా జర్నలిస్టులకు ఇచ్చే చమేలి దేవి జైన్ అవార్డును అర్ఫా ఖానుమ్ షేర్వాని, రోహిణి మోహన్ అనే ఇద్దరు మహిళా జర్నలిస్టులు ఈ సంవత్సరం సంయుక్తంగా సాధించుకున్నారు. షేర్వాని ‘ద వైర్’ కోసం పనిచేస్తుండగా, బెంగళూరుకు చెందిన రోహిణి ఫ్రీలాన్స్ జర్నలిస్టుగా పనిచేస్తున్నారు.

న్యూఢిల్లీ, మార్చి 15: రోజురోజుకూ జఠిలంగా మారుతున్న కరోనా వైరస్‌పై సార్క్ దేశాలు సంయుక్తంగా సమర శంఖం పూరించాలని ప్రధాని నరేంద్ర మోదీ పిలుపునిచ్చారు. ఆదివారం సార్క్ సభ్య దేశాలను ఉద్దేశించి వీడియా కాన్ఫరెన్స్‌లో మాట్లాడిన ఆయన ఈ వైరస్‌పై పోరాటానికి ‘కోవిడ్-19 ఎమర్జెన్సీ నిధి’ని ఏర్పాటు చేయాలని స్పష్టం చేశారు. ఇందుకోసం భారత్ తరఫున 10 మిలియన్ డాలర్లను ప్రారంభంగా అందిస్తామని ప్రకటించారు.

ముంబయి, మార్చి 14: ముంబయి తీరంలో శనివారం ఒక పెను విషాదం తప్పిపోయింది. ముంబయికి సమీపంలోని మాండ్వా తీరంలో సముద్రంలో 88 మంది ప్రయాణికులతో వెళ్తున్న ఒక నౌక ఒక ‘రాళ్ల ప్యాచ్’ను ఢీకొని బోల్తాపడింది. దీంతో నౌకలోకి నీరు చేరడం మొదలయింది. ఫలితంగా నౌక మునగడం కూడా మొదలయింది. మహిళలు, పిల్లలు సహా నౌకలో ఉన్న ప్రయాణికులు అరవడం మొదలు పెట్టారు. నౌకలో ఉన్న సిబ్బంది తమను కాపాడాలంటూ అధికారులను కోరారు.

రిషికేష్, మార్చి 14: వైద్య విద్యార్థులు మారుమూల ప్రాంతాల ప్రజలకు సేవలందించాలని కేంద్ర హోం మంత్రి అమిత్ షా పిలుపునిచ్చారు. రిషికేష్‌లోని ఎయిమ్స్‌లో శనివారం జరిగిన ఓ కార్యక్రమంలో ఆయన మాట్లాడుతూ వైద్య విద్యను పూర్తిచేసుకుని వృత్తిలోకి అడుగుపెట్టే యువత ప్రజలకు ముఖ్యమంగా మారుమూల ప్రాంతాల వారికి మెరుగైన వైద్య సేవలు అందించాలన్నారు. ఎయిమ్స్ రెండో స్నాతకోత్సవాల్లో షా పాల్గొన్నారు.