S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

11/14/2018 - 22:25

ముంబయి, నవంబర్ 14: ముంబయిలో ఛాత్ పూజ ఉత్సవాలు బుధవారం ఘనంగా ముగిసాయి. లక్షలాది మంది భక్తులు జుహూ బీచ్‌కు చేరుకుని ఉదయించే సూర్యునికి నమస్కారాలు సమర్పించారు. మహారాష్ట్ర ముఖ్యమంత్రి దేవేంద్ర ఫడ్నవిస్, నగర బీజేపీ అధ్యక్షుడు ఆశిష్ షెలార్ మంగళవారం సాయంత్రం ఈ ఉత్సవానికి హాజరై పూజ చేసి సూర్యునికి నమస్కారాలు సమర్పించారు. వారికి ఛాత్ ఉత్సవ మహాసంఘ్ స్వాగతం పలికింది.

11/14/2018 - 17:54

శ్రీహరికోట: భారత అంతరిక్ష పరిశోధన సంస్థ (ఇస్రో) జీఎస్‌ఎల్‌వీ మార్క్3డీ2 ప్రయోగాన్ని విజయవంతంగా పూర్తిచేసింది. రాకెట్ కౌంట్‌డౌన్ ఈరోజు మధ్యాహ్నాం 2.30 గంటలకు ప్రారంభమైంది. సాయంత్రం 5.08 నిమిషాలకు నింగిలోకి దూసుకెళ్లింది. షార్‌లోని బ్రహ్మ ప్రకాష్ హాలులో సన్నాహాక సమావేశం జరిగింది. జీఎస్‌ఎల్‌వీ మార్క్3డీ2 వాహననౌక కమ్యూనికేషన్స్‌కు సంబంధించిన జీశాట్-29 ఉప గ్రహాన్ని కక్ష్యలోకి మోసుకెళ్లింది.

11/14/2018 - 16:30

గాంధీనగర్: గుజరాత్‌లో అత్యంత ప్రతిష్టాత్మకంగా ఆవిష్కరించిన సర్దార్ పటేల్ విగ్రహాన్ని సందర్శించేందుకు బీహార్ ఉప ముఖ్యమంత్రి సుశీల్ కుమార్ మోదీ బుధవారంనాడు వచ్చారు. అయితే విగ్రహం లిఫ్ట్‌లో వెళుతుండగా లోడ్ ఎక్కువై రెండుసార్లు ఆగిపోయి ఉప ముఖ్యమంత్రి ఇబ్బందులు ఎదుర్కొన్నారు. అప్రమత్తమైన సిబ్బంది టెక్నీషీయన్ల సాయంతో ఆయన బయటపడ్డారు.

11/14/2018 - 16:29

న్యూఢిల్లీ: రాఫెల్ యుద్ధ విమానాల కొనుగోలు ఒప్పందంపై నేడు సుప్రీం కోర్టులో విచారణ జరిగింది. భారత ప్రధాన న్యాయమూర్తి జస్టిస్ రంజన్ గొగొయ్, జస్టిస్ ఎస్ కే కౌల్, జస్టిస్ జోసఫ్ ధర్మాసనం వైమానిక దళ అధికారులను ప్రశ్నించింది. కాగా ఈ ఒప్పందంపై న్యాయసమీక్షను కేంద్ర ప్రభుత్వం వ్యతిరేకించింది.

11/14/2018 - 16:28

న్యూఢిల్లీ: శబరిమల ఆలయంలోకి అన్ని వయసుల మహిళలు ప్రవేశించవచ్చని సుప్రీం కోర్టు ఇచ్చిన తీర్పుపై స్టే ఇచ్చేందుకు సుప్రీం కోర్టు నిరాకరించింది. ఈ తీర్పుపై దాదాపు 49 రివ్యూ పిటిషన్లు దాఖలయ్యాయి. బుధవారం నాడు కూడా మరో పిటిషన్ దాఖలు కావటంతో సీజీఐ జస్టిస్ రింజన్ గొగయ్ ఈ పిటిషన్‌ను పరిశీలించారు. ఈ రివ్యూ పిటిషన్లపై బహిరంగ విచారణ జనవరి 22న చేపడతామని అప్పటి వరకు ఆగాల్సిందిగా ఆయన కోరారు.

11/14/2018 - 13:28

ఛత్తీస్‌గఢ్: రాష్ట్రంలో మావోయిస్టుల దుశ్చర్యలు కొనసాగుతున్నాయ. సరిహద్దు భ్రదతా సిబ్బంది లక్ష్యంగా చేసుకుని మావోయిస్టులు ఐఈడీని పేల్చివేశారు. ఈ ఘటనలో ఆరుగురు భ ద్రతా సిబ్బంది గాయపడ్డారు. భీజాపూర్లోని ఘట్టి ప్రాంతంలో ఈ ఘటన జరిగింది.

11/14/2018 - 13:03

వాషింగ్టిన్: అమెరికా శే్వతసౌధంలో దీపావళి వేడుకలు ఘనంగా నిర్వహించారు. అధ్యక్షుడు ట్రంప్ పాల్గొన్నారు. భారత్‌తో వాణిజ్య వ్యాపార సంబంధాలను ఏర్పరచుకునేందుకు తాము ప్రయత్నిస్తున్నామని ట్రంప్ వెల్లడించారు. ఈ కార్యక్రమంలో భారతీయ అమెరికన్లు, ఇతర ఉన్నతాధికారులు పాల్గొన్నారు.

11/14/2018 - 12:55

చెన్నై: తుపాను తీరం దాటే సమయంలో తమిళనాడులోని పలు ప్రాంతాల్లో పెనుగాలులతో కూడిన వర్షాలు కురుస్తాయని వాతావరణ శాఖ హెచ్చరికలు జారీ చేయటంతో తమిళనాడు ప్రభుత్వం ముందస్తు చర్యలు తీసుకున్నది. 10 జాతీయ విపత్తు బృందాలను సిద్ధం చేసింది. 30,500 మంది సిబ్బంది సహాయక చర్యల్లో పాల్గొంటారని అధికారులు వెల్లడించారు. జాలర్లు చేపల వేటకు వెళ్లవద్దని, తూత్తుకుడి వద్ద రెండో ప్రమాద హెచ్చరికను జారీ చేశారు.

11/14/2018 - 12:54

చెన్నై: మధ్య పశ్చిమ బంగాళాఖాతంలో కొనసాగుతున్న తుపాను ‘గజ’ తీవ్ర తుపానుగా మారనున్నది. రాగల 24 గంటల్లో ఇది తీవ్ర తుపానుగా మారి రేపు మధ్యాహ్నాం పంబన్-కడలూరు మధ్య తీరం దాటే అవకాశం ఉందని వాతావరణ శాఖ అంచనా వేస్తోంది. ఇది చెన్నైకు తూర్పున 570 కిలోమీటర్లు, నాగపట్నానిక ఈశాన్యంగా 670 కిలోమీటర్ల దూరంలో కేంద్రీకృతమైంది.

11/14/2018 - 07:03

ఎన్నికల భూమి....
============

Pages