భోపాల్, జూలై 11: మధ్యప్రదేశ్ రాష్ట్ర ప్రభుత్వం అక్కడి ప్రజల ప్రయోజనార్ధం ప్రకటించిన కరెంట్ బిల్లుల సబ్సిడీ మాఫీ పథకానికి అనూహ్య స్పందన లభిస్తోంది. ప్రభుత్వ ప్రకటనతో ప్రయోజనం పొందేందుకు దాదాపు 38 లక్షల మంది దరఖాస్తు చేసుకున్నారు. ఈ విషయాన్ని ప్రభుత్వ అధికారి ఒకరు పేర్కొన్నారు.

న్యూఢిల్లీ: పరిపూర్ణానంద స్వామిపై టీఆర్‌ఎస్ ప్రభుత్వం నగర బహిష్కరణ విధించటం హిందూ సమాజంపై జరిగిన దాడిగా బీజేపీ ప్రధాన కార్యదర్శి మురళీధర్‌రావు పేర్కొన్నారు. ఆయన ఈమేరకు ట్వీట్ చేస్తూ నిజాం మత రాజకీయాలకు కేసీఆర్ ప్రభుత్వం నిదర్శనమని అన్నారు. స్వామి బహిష్కరణ మానవహక్కుల ఉల్లంఘన కిందకు వస్తుందని అన్నారు.

వాషింగ్టన్: చైనా నుంచి దిగుమతి అయ్యే ఉత్పత్తులపై అమెరికా మరోసారి సుంకాలను పెంచింది. అమెరికా, చైనా దేశాల మధ్య మళ్లీ వాణిజ్య రగడ మొదలైంది. అమెరికా దిగుమతులపై చైనా సుంకాలు పెంచింది.దీనికి దీటుగా అమెరికా గతంలో సుంకాలు పెంచటమే కాదు మళ్లీ అదనంగా మరో 200 మిలియన్ డాలర్ల ఉత్పత్తులపైనా 10శాతం సుంకాలను అమెరికా పెంచటం గమనార్హం.

షిల్లాంగ్: ఈశాన్య రాష్ట్రాల అభివృద్ధికి ఎన్డీఏ ప్రభుత్వం కట్టుబడి ఉందని, నవ భారత్ నిర్మాణంలో ఈశాన్య రాష్ట్రాలను భాగస్వాములను చేసిన ఘనత తమ ప్రభుత్వానికి దక్కుతుందని కేంద్ర హోంశాఖ మంత్రి రాజ్‌నాథ్ సింగ్ అన్నారు. ఈశాన్య రాష్ట్రాల అభివృద్ధికి కేంద్రం పారదర్శకతతో కూడిన విధానాలను అమలు చేస్తోందన్నారు. మంగళవారం ఇక్కడ ఈశాన్య రాష్ట్రాల మండలి 67 వార్షికోత్సవ సమావేశంలో ఆయన పాల్గొన్నారు.