న్యూ ఢిల్లీ, జూలై 4: ఢిల్లీ కేంద్రపాలిత రాష్ట్ర పరిధిలో దక్షిణ ఢిల్లీలో ఈ నెల 26వ తేదీ వరకు చెట్లను తొలగించడాన్ని నిషేధిస్తూ ఢిల్లీ హైకోర్టు ఆదేశాలు జారీ చేసింది. బహుళ అంతస్తుల భవనాల నిర్మాణం నిమిత్తం చెట్లను తొలగించడాన్ని సవాలు చేస్తూ దాఖలైన పిటిషన్‌ను జూలై 26వ తేదీ తర్వాత విచారిస్తామని హైకోర్టు పేర్కొంది.

న్యూఢిల్లీ, జూలై 4: ఆంధ్రప్రదేశ్‌కు ప్రత్యేక హోదా ఆశలపై కేంద్రం నీళ్లు చల్లింది. రాజ్యసభలో అప్పటి ప్రధాని మన్మోహన్ సింగ్ ఇచ్చిన హామీకి కట్టుబడి ఉన్నామని ఓ పక్క చెబుతూ ప్రత్యేక హోదా బదులు ప్రత్యేక ప్యాకేజీ ఇచ్టినట్టు కేంద్రం వెల్లడించింది.

న్యూఢిల్లీ: తన భార్య సునంద పుష్కర్ హత్య కేసులో ముందస్తు బెయిల్ కోసం మాజీ కేంద్రమంత్రి శశిథరూర్ వేసిన పిటిషన్‌పై తీర్పును ఢిల్లీ హైకోర్టు రిజర్వ్‌లో పెట్టింది. శవిథరూర్‌కు బెయిల్ మంజూరుచేస్తే దేశం విడిచి వెళ్ల ప్రమాదం ఉందని ఢిల్లీ పోలీసులు కోర్టును కోరారు. వాదోపవాదాలు విన్న తరువాత న్యాయమూర్తి తీర్పును రిజర్వ్‌లో పెట్టారు. దీనిపై గురువారం తీర్పు వెలువడే అవకాశం ఉంది.

ముంబయి: ముంబయిలోని మరో బ్రిడ్జికి పగుళ్లు ఏర్పడ్డాయి. దీంతో పోలీసులు అప్రమత్తమయ్యారు. గ్రాండ్ రోడ్‌ను నాన చౌక్‌ను కలిపే వంతెనపై రోడ్డుకు పగుళ్లు ఏర్పడ్డాయి. పోలీసులు ఈరోడ్డుపై వాహనాలను నిలిపివేశారు. ట్రాఫిక్‌ను మరోవైపు మళ్లించారు.