న్యూఢిల్లీ, జూలై 2: జూన్‌లో వినియోగదారుల కొనుగోలు శక్తి, వ్యక్తిగత ఆర్థిక వ్యవహారాలు, వ్యాపార వ్యవహారాల ప్రవృత్తి నిలకడగానే ఉందని ద జినిసిస్ ఇండియా కన్స్యూమర్ సెంటిమెంట్ (జిఐసిఐ) ప్రకటించింది. వినియోగదారుల కొనుగోలు శక్తి, వారు జరిపే ఆర్థిక వ్యవహారాల స్థాయిని లెక్కకెట్టి వెల్లడించే జిఐసిఐ జూన్‌లో ప్రజల కొనుగోలు శక్తి నిలకడగానే ఉందని చెప్పింది.

న్యూఢిల్లీ, జూలై 2: ఉత్తర ఢిల్లీ ప్రాంతంలోని బురాలి ప్రాంతంలో 11 మంది అనుమానాస్పద మృతి వెనుక మిస్టరీ ఇంకా వీడలేదు. అయితే మతపరమైన విశ్వాసాల వల్ల వారు మృతి చెంది ఉండవచ్చునని అధికారులు భావిస్తున్నారు. ఆదివారం ఒకే కుటుంబానికి చెందిన 11 మందిలో 10మంది కళ్లకు గుడ్డలు కట్టుకుని, చేతులు కట్టివేసి ఇంట్లో వేళ్లాడుతూ ఉన్న స్థితిలో మరణించి ఉన్నారు. ఒక వృద్ధురాలు వేరే గదిలో మృతి చెంది ఉంది.

న్యూఢిల్లీ, జూలై 2: దేశంలో లోక్‌పాల్‌ను ఎప్పుడు నియమిస్తారో తమకు పది రోజుల్లో తెలియజేయాలని సుప్రీంకోర్టు కేంద్రాన్ని ఆదేశించింది. రంజన్ గాగోయ్, ఆర్.్భనుమతితో కూడిన ధర్మాసనం ఈ మేరకు ఆదేశాలు జారీ చేసింది. లోక్‌పాల్‌ను ఏర్పాటు చేయాలని సుప్రీంకోర్టు గత ఏడాది 27నే ఆదేశించినా ఇప్పటివరకు ప్రభుత్వం ఎలాంటి చర్యలు చేపట్టలేదని ఆరోపిస్తూ కామన్ కాజ్ అనే ఎన్జీవో సంస్థ సుప్రీంలో కేసు దాఖలు చేసింది.

సియోల్: ప్రధాని నరేంద్ర మోదీ ఆహ్వానం మేరకు దక్షిణ కొరియా అధ్యక్షుడు మూన్ జే ఇన్ ఈ నెలలో భారత్‌లో పర్యటించనున్నారు. జూలై 8 నుంచి 11వ తేదీ వరకు ఆయన పర్యటిస్తారు. ఆర్థిక సహకారంపై ఇరువురు నేతలు చర్చించనున్నారు. భారత్ పర్యటనలో భాగంగా ఆయన రాష్టప్రతి రామ్‌నాథ్ కోవింద్‌ను కూడా కలవనున్నారని దక్షిణ కొరియా విడుదల చేసిన ప్రకటనలో వెల్లడించింది.