న్యూఢిల్లీ, జూన్ 17: ఆదివారం జరిగిన నీతిఆయోగ్ సమావేశంలోవిపక్షాలన్నీ ఏకమైనట్టు స్పష్టంగా కనిపించింది. ముఖ్యంగా బీజేపీ యేతర రాష్ట్రాల ముఖ్యమంత్రులు అంతా ఒక్కటయ్యారు. కేంద్రం సహకార సమాఖ్య వ్యవస్థను అనుసరించాలని, రాష్ట్రాల వ్యవహారల్లో అనవసరంగా కేంద్రం జోక్యం తగదని వారు కోరారు. 15వ ఆర్థిక సంఘం నివేదిక, కేంద్ర నిధుల పంపిణీ, వంటి అంశాలపై ఈ ముఖ్యమంత్రులు ఎన్‌డీఏ ప్రభుత్వంపై దాడికి దిగారు.

న్యూఢిల్లీ, జూన్ 17: కేంద్ర ప్రభుత్వం ప్రత్యేక హోదా స్థానంలో ప్రత్యేక ఆర్థిక ప్యాకేజీని ప్రకటించటం ద్వారా దేశ ప్రజలను తప్పుదోవ పట్టించేందుకు ప్రయత్నించిందని ఏపీ ముఖ్యమంత్రి నారా చంద్రబాబు నాయుడు ప్రధాన మంత్రి నరేంద్ర మోదీ నాయకత్వంలోని ఎన్‌డీఏ ప్రభుత్వంపై ధ్వజమెత్తారు. ఏపీకి ప్రత్యేక హోదా ఇవ్వాల్సిందేనని ఆయన స్పష్టం చేశారు.

న్యూఢిల్లీ: ప్రతిపక్షానికి చెందిన నలుగురు ముఖ్యమంత్రులు చంద్రబాబు నాయుడు, మమతా బెనర్జీ, కుమారస్వామి, విజయన్ ఢిల్లీ లెఫ్టినెంట్ గవర్నర్ బైజల్ నివాసంలో ధర్నా చేస్తున్న ముఖ్యమంత్రి అరవింద్ కేజ్రీవాల్‌కు మద్దతు తెలిపారు. నలుగురు సీఎంలు శనివారం రాత్రి కేజ్రీవాల్ నివాసానికి వెళ్లి ఆయన సతీమణి సునీతను కలిసి మద్దతు పలికారు.

బెంగళూరు, జూన్ 16: ప్రధానమంత్రి నరేంద్రమోదీని ఆదివారం కలిసేందుకు అపాయింట్‌మెంట్ కోరినట్లు కర్నాటక ముఖ్యమంత్రి కుమారస్వామి తెలిపారు. కావేరి నదీ జలాల యాజమాన్య అథారిటీ అంశంపై చర్చించనున్నట్లు ఆయన చెప్పారు. నీతి ఆయోగ్ సమావేశానికి హాజరయ్యేందుకు ఆయన ఢిల్లీకి వచ్చారు. కాగా ఆదివారం మధ్యాహ్నం 12.30 గంటలకు జలవనరుల శాఖ మంత్రి నితిన్ గడ్కరీని కలవనున్నట్లు ఆయన చెప్పారు.