శ్రీనగర్, జూన్ 16: కాశ్మీర్ లైట్ ఇన్‌ఫాంట్రీ దళానికి చెందిన జవాను ఔరంగజేబును మిలిటెంట్లు విచారించిన తర్వాత కాల్చి చంపిన దృశ్యాలను వీడియో తీసిన ఘటన వెలుగు చూసింది. ఈ వీడియో సామాజిక మాద్యమాల్లో వైరల్ అవుతోంది. ఈ వీడియోలో మిలిటెంట్లు గతంలో జవాన్ ఔరంగజేబు పాల్గొన్న ఎన్‌కౌంటర్ల గురించి ఆరా తీసిన దృశ్యాలు ఉన్నాయి. ఈ వీడియోలో దృశ్యాల నిడివి 1.15 నిమిషాలు ఉన్నట్లు పోలీసులు తెలిపారు.

న్యూఢిల్లీ, జూన్ 16: కేంద్రాన్ని ఇరుకున పెట్టేందుకు బీజేపీయేతర పక్షాల సీఎంలు పక్కావ్యూహంతో నీతిఆయోగ్ భేటీకి సిద్ధమయ్యారు. నీతిఆయోగ్ సమవేశానికి ఒకరోజు ముందే ఢిల్లీకి చేరుకున్న ఏపీ సీఎం చంద్రబాబు, పశ్చిమ బెంగాల్ సీఎం మమతా బెనర్జీ, కర్నాటక సీఎం కుమారస్వామి, కేరళ సీఎం పినరయి విజయన్ శనివారం ఏపీ భవన్‌లో సమావేశమై నీతి ఆయోగ్ పాలక మండలి భేటీలో అనుసరించాల్సిన వ్యూహాలను ఖరారు చేసుకున్నారు.

పూణె: పూణెలో ఏడాది వయసున్న చిన్నారిపై అత్యాచారం చేశాడో దుర్మార్గుడు. ఆపై ఆ చిన్నారిని హతమార్చాడు. చిన్నారి తలపై బలంగా కొట్టడంతో తల నుజ్జు నజ్జు అయింది. గురువారం జరిగిన ఈ సంఘటన సీసీటీవీ కెమెరాల ద్వారా వెలుగులోకి వచ్చింది. మల్హరి బన్సోడే అనే వ్యక్తి ఈ దారుణానికి పాల్పడ్డట్టుగా పోలీసులు గుర్తించారు. నిద్రపోతున్న చిన్నారిని ఎత్తుకెళ్లి ఈ దుశ్చర్యకు పాల్పడ్డడని లోని కల్బోర్ పోలీసులు తెలిపారు.

జమ్ముకాశ్మీర్‌: సరిహద్దుల్లో కాల్పుల విరమణ ఒప్పందాన్ని ఉల్లంఘిస్తూ పాక్‌ బలగాలు భారత సిబ్బందిపై రంజాన్‌ రోజు కూడా కాల్పులకు పాల్పడింది. ఆర్నియా సెక్టార్‌లో ఈ ఉదయం 4 గంటల నుంచి పాక్‌ రేంజర్స్‌ కాల్పులు జరుపుతున్నట్లు భారత ఆర్మీ వెల్లడించింది. పాక్‌ చర్యను భారత సిబ్బంది సమర్థంగా తిప్పికొడుతున్నట్లు పేర్కొంది.