భోపాల్, మే 4: హిందుత్వాన్ని, హిందూ సమాజాన్ని కించపరుస్తూ వ్యాఖ్యలు చేసిన కాంగ్రెస్ అధ్యక్షుడు రాహుల్ గాంధీ క్షమాపణ చెప్పాలని బీజేపీ జాతీయ అధ్యక్షుడు అమిత్‌షా డిమాండ్ చేశారు. సనాతన ధర్మం, హిందువులపై విమర్శలు చేయడం కాంగ్రెస్‌కు ఓ ఫ్యాషన్‌గా మారిందని ఆయన నిప్పులు చెరిగారు. హిందుత్వ ఉగ్రవాది అంటూ రాహుల్ చేసిన వ్యాఖ్యలు దేశాన్ని అగౌరపరచడమేనని షా అన్నారు.

బీహార్: బీహార్‌లోని మొతిహరి ప్రాంతంలో బస్సు బోల్తాపడి దహనం అయిన ఘటనలో 27మంది చనిపోయారని అధికారులు గురువారంనాడు వెల్లడించారు. ఆయితే ఆ రాష్ట్ర మంత్రి దినేశ్ చంద్రదూదె మాత్రం ఈ ప్రమాదంలో ఎవరూ చనిపోలేదని వెల్లడించటం గమనార్హం. దీంతో ఈ ప్రమాదం ఘటన కొత్త మలుపు తిరిగినట్లయింది.

బెంగళూరు: దేశంలో దళితులపై దాడులు నానాటికీ పెరుగుతున్నాయని కాంగ్రెస్ పార్టీ అధ్యక్షుడు రాహుల్‌గాంధీ విమర్శించారు. ఆయన శుక్రవారంనాడు కల్గిలోని ఓ ఎన్నికల ప్రచార సభలో మాట్లాడుతూ ‘బేటీ బచావో..బేటీ పడావో నినాదం ‘బేటీ బచావో బీజేపీ ఎమ్మెల్యేసే’గా మారిందని ఆయన ఎద్దేవా చేశారు. దళిత మహిళపై బీజేపీ ఎమ్మెల్యే దాడిచేస్తే ప్రధాని నోరు విప్పటంలేదని అన్నారు.

కోహెన్‌హాగెన్: అత్యంత ప్రతిష్టాత్మకంగా భావించే సాహిత్యంలో నోబెల్ పురస్కారం ఈ ఏడాది లేనట్టే. ఈమేరకు స్టాక్‌హోమ్‌లో జరిగిన సమావేశంలో కమిటీ నిర్ణయం తీసుకుంది. దీనికి కారణాలను కూడా కమిటీ వెల్లడించింది. ఈ పురస్కారం కోసం ఎంపికే చేసే కమిటీ సభ్యులపై లైంగిక వేధింపుల ఆరోపణలు, మరికొన్ని సమస్యలు తలెత్తిన నేపథ్యంలో కమిటీ ఈ నిర్ణయం తీసుకుంది.