న్యూఢిల్లీ, మార్చి 11: అధికార, ప్రతిపక్షాల మధ్య కుదిరిన ఒప్పందం మేరకు లోక్‌సభ స్పీకర్ ఓం బిర్లా బుధవారం ఏడుగురు కాంగ్రెస్ సభ్యులపై విధించిన సస్పెన్షన్‌ను ఉపహరించుకున్నారు. ఈ నెల 2న లోక్‌సభలో ప్రతిపక్షాల సభ్యులు ముఖ్యంగా కాంగ్రెస్ సభ్యులు వ్యవహరించిన తీరుకు బాధ పడిన స్పీకర్ ఓం బిర్లా ఆ రోజు నుంచి బుధవారం ఉదయం వరకు లోక్‌సభ నిర్వహణకు దూరంగా ఉండిపోయారు.

న్యూఢిల్లీ, మార్చి 11: కాంగ్రెస్ పార్టీ ప్రాథమిక సభ్యత్వానికి రాజీనామా చేసిన మధ్యప్రదేశ్ సీనియర్ నాయకుడు జ్యోతిరాదిత్య సింధియా బుధవారం బీజేపీ తీర్థం పుచ్చుకున్న వెంటనే ప్రధాని మోదీపై ప్రశంసల వర్షం కురిపించారు. జ్యోతిరాదిత్య సింధియా పార్టీలో చేరగానే బీజేపీ ఆయనకు రాజ్యసభ టికెట్ ఇచ్చి రికార్డు సృష్టించింది. ప్రధాని మోదీ చేతుల్లో దేశ భవిష్యత్తు సురక్షితంగా ఉన్నదని సింధియా కితాబు ఇచ్చా రు.

న్యూఢిల్లీ: తెలంగాణ రాష్ట్ర బీజేపీ అధ్యక్షుడుగా కరీంనగర్ లోక్‌సభ సభ్యుడు బండి సంజయ్ కుమార్ నియమితులయ్యారు. బీజేపీ అధినాయకత్వం బుధవారం ఈమేరకు ప్రకటన చేసింది. ప్రస్తుత అధ్యక్షుడు లక్ష్మణ్ స్థానంలో సంజయ్‌ను నియమించారు. సంజయ్ కూడా వెనుకబడిన వర్గాలకు చెందినవారే. యువతలో గట్టి పట్టున్న బండి సంజయ్‌కు ఆర్‌ఎస్‌ఎస్‌తో మంచి సంబంధాలున్నాయి.

న్యూఢిల్లీ, మార్చి 11: చైనా నుంచి ప్రపంచ వ్యాప్తంగా వివిధ దేశాలకు వ్యాప్తి చెందుతున్న ప్రాణాంతక కరోనా వైరస్ వల్ల భారత్‌కు కూడా నష్టం వాటిల్లే ప్రమాదం ఉందని కేంద్ర వాణిజ్య, పరిశ్రమల శాఖ మంత్రి పీయూష్ గోయల్ తెలిపారు. భారత పరిశ్రమలపై కరోనా ప్రభావం తీవ్రంగా ఉండే అవకాశాలు కనిపిస్తున్నాయని ఆయన బుధవారం లోక్‌సభలో ఓ ప్రశ్నకు సమాధానంగా అందించిన లిఖితపూర్వక సమాధానంలో పేర్కొన్నారు.