న్యూఢిల్లీ, ఫిబ్రవరి 5: ఆంధ్రప్రదేశ్ విభజన హామీలు, ప్రత్యేక హోదా అమలు చేయాలని కోరుతూ నిబంధన-184 కింద తీర్మానం ప్రవేశపెట్టేందుకు లోకసభ సెక్రటరీ జనరల్‌కు వైఎస్సార్‌సీపీ ఎంపీ వైవీ సుబ్బారెడ్డి నోటిసు ఇచ్చారు. విభజన సమయంలో ఆంధ్రప్రదేశ్ రాష్ట్రానికి ప్రత్యేక కేటగిరీ హోదా అమలు చేయాలని రాజ్యసభ తీర్మానం చేసిందిని, ప్రత్యేకహోదా 15 ఏళ్లకు పొడిగిస్తూ సభ తీర్మానించింది.

జమ్ము, ఫిబ్రవరి 5: గడచిన మూడేళ్లలో పాకిస్తాన్ 834సార్లు కాల్పుల విరమణ ఒప్పందాన్ని ఉల్లంఘించిందని, ఈ కాల్పుల్లో 97మంది ప్రాణాలు కోల్పోయారని జమ్ముకశ్మీర్ ప్రభుత్వం తెలిపింది. జమ్ముకశ్మీర్ విధాన మండలి సమావేశంలో పీడీపీ ఎమ్‌ఎల్‌సి అడిగిన ప్రశ్నకు లిఖితపూర్వక సమాధానంలో ప్రభుత్వం ఈ విషయం పేర్కొంది.

మాలె, ఫిబ్రవరి 5: రాజకీయ సంక్షోభం మరింత ముదిరి పరిస్థితులు చేజారిపోతున్న నేపథ్యంలో మాల్దీవుల్లో అత్యయిక పరిస్థితిని ప్రకటిస్తూ దేశాధ్యక్షుడు యమీన్ అబ్దుల్ గయూమ్ సోమవారం రాత్రి ఆదేశాలు జారీ చేశారు. ఎమర్జెన్సీ పదిహేను రోజులపాటు అమల్లో ఉంటుందని, ఎవరినైనా, ఎక్కడైనా తనిఖీ చేసి అదుపులోకి తీసుకునే అధికారం భద్రతా బలగాలకు ఉంటుందని న్యాయవ్యవహారాల శాఖ మంత్రి ప్రకటించారు.

న్యూఢిల్లీ, ఫిబ్రవరి 5: కొత్త రాష్టమ్రైన ఏపీకి బడ్జెట్‌లో తీరని అన్యాయమే జరిగిందంటూ తెలుగుదేశం ఎంపీలు సోమవారం పార్ల మెంట్‌లో రగడ సృష్టించారు. విభజన హామీ లు నెరవేరుస్తారని కేంద్రంపై పెట్టుకున్న ఆశల ను అడియాసలు చేశారంటూ ఆగ్రహం వ్యక్తం చేశారు. నిధుల కేటాయంపు విషయంలో కేంద్రంపై బలమైన నిరసన గళం వినిపించా లన్న చంద్రబాబు సూచనల మేరకు ఎంపీలు పార్లమెంట్ ఇంటా బయటా కేంద్రంపై దండెత్తారు.