న్యూఢిల్లీ, డిసెంబర్ 26: భారత సైన్యం దెబ్బకు దెబ్బ ప్రతీకారం తీర్చుకుంది. పాక్ ఆక్రమిత కాశ్మీర్ రజౌరీ సెక్టార్‌లోని సైనిక బంకర్లపై మెరుపుదాడి చేసింది. కొద్ది రోజుల క్రితం భారత బలగాలను దెబ్బతీసి నలుగురిని పొట్టన బెట్టుకున్న పాక్ సైనిక మూకలకు సర్జికల్ దాడులతో గట్టి గుణపాఠం నేర్పింది.

సూరత్, డిసెంబర్ 25: సూరత్‌లోని ప్రముఖ వజ్రాల వ్యాపారి మహేశ్ సవానీ తన సహృదయతను మరోసారి చాటుకున్నారు. తండ్రి లేని 251 మంది పేద యువతులకు ఆదివారం నాడు ఆయన అంగరంగ వైభవంగా సామూహిక వివాహాలు జరిపించారు. గత ఏడేళ్లుగా ఆయన నిరుపేద యువతులకు సామూహిక వివాహాలు జరిపిస్తున్నారు. ఈ ఏడాది ఆయన ఐదుగురు ముస్లిం, ఒక క్రైస్తవ యువతి సహా మొత్తం 251 మందికి తన ఇంట్లో శుభకార్యం మాదిరి దగ్గరుండి వివాహాలు జరిపించారు.

నోయిడా, డిసెంబర్ 25: నోయిడాను సందర్శించిన వారెవరూ అధికార పీఠంలో కొనసాగలేరన్నది కేవలం మూఢనమ్మకమేనని ఉత్తరప్రదేశ్ సిఎం యోగి ఆదిత్యనాథ్ నిరూపించారని ప్రధాని నరేంద్ర మోదీ ప్రశంసించారు. మూఢ విశ్వాసాలను బలంగా నమ్మేవారు ముఖ్యమంత్రి పీఠంపై కూర్చునే హక్కు లేదని కూడా ఆయన స్పష్టం చేశారు.

చెన్నై, డిసెంబర్ 25: ‘అతనొక అబద్ధాలకోరు, 420’ అంటూ ఆర్‌కె నగర్ ఉప ఎన్నికలో విజయం సాధించిన టీటీవీ దినకర్‌న్‌పై తమిళనాడు ఉప ముఖ్యమంత్రి ఓ పన్నీర్‌సెల్వం విరుచుకుపడ్డారు. ‘దినకరన్ చెప్పినవన్నీ అబద్ధాలే. అబద్ధాలతోనే తానొక 420 అని రుజువు చేసుకున్నాడు’ అని ఆగ్రహం వ్యక్తం చేశారు.