న్యూఢిల్లీ, నవంబర్ 21: శౌర్య పతకాలు పొంది అమరులైన వారి భార్యలకు ఇస్తున్న భృతిపై నిబంధనలను తొలగించాలని రక్షణశాఖ నిర్ణయించింది. ‘శౌర్య’ అవార్డు గ్రహీత భార్య బయటి వ్యక్తిని పునర్వివాహం చేసుకున్న సందర్భంలో ఆమెకు భృతి చెల్లించరాదన్న నిబంధనలు ఇప్పటివరకూ అమలులో ఉన్నాయి. దివంగత భర్త సోదరుడిని వివాహం చేసుకున్న సందర్భంలోనే ఆమెకు భృతి చెల్లించాలన్న నిబంధనలను తొలగించాలని రక్షణశాఖ తాజాగా నిర్ణయించింది.

మైసూరు, నవంబర్ 21: సంపాదనలో రూపాయి కూడా ఇతరులకు దానం చేసేందుకు ఎవరికీ మనసొప్పని నేటి ఆధునిక యుగంలో ఓ యాచకురాలు తన కష్టార్జితంలో రెండున్నర లక్షల రూపాయలను దైవానికి సమర్పించి తన పెద్దమనసును చాటుకుంది. ఒకప్పుడు అందరిలాగే పనిచేసుకుంటూ బతికిన ఆమెను అనుకోని రీతిలో విధి వెక్కిరించింది. ఓ చేయిని కోల్పోయినా, ఎవరిపైనా ఆధారపడకుండా స్వతంత్రంగ జీవించాలని భావించి ఆమె యాచకురాలిగా మారింది.

న్యూఢిల్లీ, నవంబర్ 21: చారిత్రక చార్మినార్, తిరుమల ఆలయాన్ని స్వచ్ఛ ఐకాన్లుగా కేంద్రం గుర్తించింది. దేశవ్యాప్తంగా పది సాంప్రదాయక స్థలాలకు స్వచ్ఛ ఐకాన్లుగా గుర్తిస్తూ రెండో జాబితా విడుదల చేసింది. స్వచ్ఛ భారత్ మిషన్ చేపట్టి ఏడాది పూర్తయిన సందర్భంగా ఢిల్లీలో జరిగిన రెండు రోజుల జాతీయ సంప్రదింపుల కమిటీ సమావేశంలో ఈ నిర్ణయం తీసుకున్నారు.

న్యూఢిల్లీ, నవంబర్ 20: కాంగ్రెస్ సీనియర్ నేత, మాజీ కేంద్ర మంత్రి ప్రియరంజన్ దాస్‌మున్షీ సోమవారం కన్నుమూశారు. పక్షవాతంతో బాధపడుతున్న ఆయన ఎనిమిదేళ్లుగా కోమాలోనే ఉన్నారు. సమాచారం ప్రసార మంత్రిగా పనిచేసిన మున్షీకి 2008లో హార్ట్‌ఎటాక్ వచ్చింది. దీంతో పక్షవాతానికి గురై ఎనిమిదేళ్లుగా మంచానికే పరిమితమయ్యారు. పశ్చిమ బెంగాల్‌లోని రాయ్‌గంజ్ లోక్‌సభ నియోజకవర్గానికి ఆయన ప్రాతినిధ్యం వహించారు.