ముంబయి, అక్టోబర్ 1: మహారాష్ట్ర మాజీ ముఖ్యమంత్రి నారాయణ రాణె ఆదివారం ‘మహారాష్ట్ర స్వాభిమాన్’ పేరుతో కొత్త రాజకీయ పార్టీని ప్రారంభించారు. తన పార్టీ బిజెపితో కలిసి పనిచేస్తుందన్న సంకేతాలు కూడా ఏకకాలంలో అందించారు. రాష్ట్రంలోని కొంకణ్ ప్రాంతంలో విశేషమైన పలుకుబడి కలిగిన రాణె త్వరలోనే తన భవిష్యత్ కార్యక్రమాన్ని నిర్దేశించుకుంటానని వెల్లడించారు.

పాట్నా, అక్టోబర్ 1: అత్తవారింటికి వచ్చిన ఓ కోడలు ఆ ఇంట్లో బహిర్భూమి (టాయ్‌లెట్) లేకపోవడంతో తీవ్ర అసహనానికి గురైంది. ఇదే విషయమై తన కుటుంబ సభ్యులకు, మామ, మరిదికి ఎన్నోసార్లు విన్నవించింది. ఆమె భర్త పనిమీద తమిళనాడు వెళ్లడంతో పుట్టింటికి వెళ్లిపోయింది. భర్త తిరిగి వచ్చినా పరిస్థితిలో మార్పు రాకపోవడంతో ఇక చేసేది లేక తిన్నగా పోలీసు స్టేషన్‌కు వెళ్లి మామ, మరిదిపై కేసు పెట్టింది.

చిత్రం..మొహర్రం సందర్భంగా ఆదివారం ఢిల్లీలోని జామా మసీదు నుంచి ఊరేగింపుగా బయలుదేరుతున్న ముస్లింలు

హైదరాబాద్, అక్టోబర్ 1: ఒడిశాలో సిపిఐ మావోయిస్టు పార్టీ అనుబంధ సంస్ధ పీపుల్స్ లిబరేషన్ ఫ్రంట్ ఆఫ్ ఇండియా (పిఎల్‌ఎఫ్‌ఐ) జోనల్ కమిటీకి చెందిన ఏడుగురు సభ్యులను ఆ రాష్ట్ర పోలీసులు అరెస్టు చేసినట్లు డిజిపి ఆర్‌పి శర్మ తెలిపారు. అరెస్టయిన వారిలో కరణ్ సాయి, అర్జున్ రాణా తదితరులు ఉన్నారు. వారి వద్ద నుంచి నాలుగు ఆయుధాలు, ఎకె 47, 50 రౌండ్ల మందుగుండు సామాగ్రిని పోలీసులు స్వాధీనం చేసుకున్నారు.