న్యూఢిల్లీ, సెప్టెంబరు 11: కుంభమేళా అన్నది భారతదేశ గొప్ప ఆధ్యాత్మిక వారసత్వ చిహ్నమని ఉపరాష్టప్రతి వెంకయ్య నాయుడు అన్నారు. సోమవారం నాడు కుంభమేళాపై ఇండస్ యూనివర్శిటీ స్కాలర్లు రూపొందించిన ప్రత్యేక చిత్రాన్ని వెంకయ్య నాయుడు ఆవిష్కరించారు. ఈ సందర్భంగా కుంభమేళా చిత్ర ప్రోమోను వీక్షించారు. అనంతరం మాట్లాడుతూ అన్ని ఆధ్యాత్మిక సమూహాల్లోకెల్లా కుంభమేళా అత్యంత పురాతనమైనదని పేర్కొన్నారు.

గాంధీనగర్, సెప్టెంబర్ 11: గుజరాత్ శాసనసభకు త్వరలో జరుగనున్న ఎన్నికల్లో పార్టీ అనుసరించాల్సిన వ్యూహాన్ని ఖరారు చేసేందుకు ఆ రాష్ట్ర బిజెపి ఎన్నికల ఇన్‌చార్జి అరుణ్ జైట్లీ, సహ ఇన్‌చార్జి నిర్మలా సీతారామన్ కసరత్తు ప్రారంభించారు. ఈ విషయమై చర్చించేందుకు సోమవారం వారు రాష్ట్ర బిజెపి కోర్ గ్రూప్ సభ్యులతో భేటీ అయ్యారు.

న్యూఢిల్లీ, సెస్టెంబర్ 11: పార్లమెంట్, శాసనసభ్యుల ఆస్తులు ఏటేటా పెరిగిపోతుండటంపై కేంద్రం దృష్టి సారించింది. ఏడుగురు ఎంపీలు, 98మంది ఎమ్మెల్యేల స్థిరాస్తులు గణనీయంగా పెరిగిపోవటంపై దర్యాప్తు కొనసాగుతోందని కేంద్ర ప్రత్యక్ష పన్నుల బోర్డు సోమవారం సుప్రీం కోర్టుకు వెల్లడించింది.

న్యూఢిల్లీ, సెప్టెంబర్ 11: సిమ్ కార్డులను ఆధార్‌తో సంధానం చేయడానికి సంబంధించి కేంద్ర ప్రభుత్వం సోమవారం కీలక నిర్ణయం తీసుకుంది. వచ్చే ఏడాది ఫిబ్రవరి నాటికి వీటిని ఆధార్‌తో అనుసంధానం చేయకపోతే వాటిని పనిచేయకుండా చేస్తామని స్పష్టం చేసింది. సుప్రీం కోర్టు ఈ ఏడాది ఫిబ్రవరిలో ఇచ్చిన ఆదేశానుసారమే మొబైల్ ఫోన్లను ఆధార్‌తో అనుసంధానం చేస్తున్నట్లు అధికార వర్గాలు తెలిపాయి.