న్యూఢిల్లీ, సెప్టెంబర్ 3: ప్రధాన మంత్రి నరేంద్రమోదీ మూడో మంత్రివర్గ విస్తరణ కూర్పులో ఆచితూచి వ్యవహరించారు. కేవలం పరిపాలనపై మాత్రమే కాకుండా రాజకీయ లక్ష్యాలపై దృష్టి సారించారు. కేబినెట్ మంత్రిగా ప్రమోషన్ లభించిన ధరేంద్ర ప్రధాన్ ఒడిశాకు చెందిన ప్రముఖ నాయకుడుగా ఎదిగారు. దీంతో పాటు తన మంత్రిత్వ శాఖ నిర్వహణలో ఆయన సక్సెస్ సాధించటం కూడా ఆయన ప్రమోషన్‌కు కారణమైంది.

పాట్నా, సెప్టెంబర్ 3: ఎన్డీఏ ప్రభుత్వంలో చేరడానికి నితీశ్ కుమార్ నేతృత్వంలోని జెడి(యు) ప్రధాని నరేంద్ర మోదీనుంచి కానీ, బిజెపి అధ్యక్షుడు అమిత్ షా నుంచి కానీ ఆహ్వానమే రాలేదని ఆర్‌జెడి అధినేత లాలూప్రసాద్ అన్నారు. ఆదివారం జరిగిన కేంద్ర మంత్రివర్గ విస్తరణలో జెడి(యు)కు కూడా స్థానం లభిస్తుందని చివరిదాకా వార్తలు వచ్చిన విషయం తెలిసిందే.

న్యూఢిల్లీ, సెప్టెంబర్ 3: ప్రధాన మంత్రి నరేంద్ర మోదీ తన మంత్రి మండలిలో సమర్థతకు మంచి బహుమతి ఇచ్చారు. మూడేళ్ల పదవీకాలంలో తన కేబినెట్‌లో ప్రతిభావంతంగా పనిచేసిన నలుగురు సహాయ మంత్రులకు కేబినెట్ హోదాతో ప్రమోషన్ ఇవ్వటమే కాకుండా, కీలకమైన మంత్రిత్వ శాఖలను అప్పగించటం విశేషం. వీరితో పాటు కొత్తగా తొమ్మిది మంది సహాయ మంత్రులను ప్రధాని తన మంత్రి మండలిలో చేర్చుకుని ఆదివారం నాడు మంత్రివర్గాన్ని విస్తరించారు.

హైదరాబాద్, సెప్టెంబర్ 3: కృష్ణా నదిపై ఉన్న ఆల్‌మట్టి డ్యాం ఎత్తు పెంచుకోవాలన్న కర్నాటక రాష్ట్ర ప్రభుత్వానికి చుక్కెదురైంది. ఆ రాష్ట్ర ప్రభుత్వ ప్రతిపాదనలపై పర్యావరణ అనుమతి ఇచ్చేందుకు కేంద్ర గ్రీన్ ట్రిబ్యునల్ నిరాకరించింది. పొరుగు రాష్ట్రాల అభ్యంతరాలు ఉన్నందున తొలుత కేంద్ర జల సంఘం (సిడబ్ల్యుసి) అనుమతి పొందాలని సూచించింది.