రోహ్‌తక్, ఆగస్టు 29: రెండు అత్యాచారాల కేసుల్లో 20 ఏళ్ల పాటు జైలు శిక్షకు గురైన డేరా బాబా గుర్మీత్ సింగ్ సోమవారం రాత్రంతా సురేనియా జైల్లో వౌనంగానే గడిపారు. రాత్రంతా ఆయన భోజనం చేయలేదని, కేవలం మంచినీళ్లు తాగే జైలు గదిలో పచార్లు చేశారని అధికారి ఒకరు మంగళవారం వెల్లడించారు. అయితే నేటి ఉదయం మాత్రం పాలు తీసుకున్నారని స్పష్టం చేశారు.

చిత్రం..డేరా సచ్చా సౌదా ప్రధాన భవనం

అసన్‌గావ్, ఆగస్టు 29: ప్రభుత్వం ఎన్ని జాగ్రత్తలు తీసుకుంటున్నా రైలు ప్రమాదాలు నివారించలేకపోతోంది. గత కొద్ది రోజులుగా జరుగుతున్న వరుస రైలు ప్రమాదాలు ప్రజలను భయాందోళనకు గురిచేస్తున్నాయి. తాజాగా నాగ్‌పూర్- ముంబయి మధ్య నడిచే దురంతో ఎక్స్‌ప్రెస్ పట్టాలు తప్పింది. అదృష్టవశాత్తూ ఎలాంటి ప్రాణనష్టం జరగపోవడంతో అందరూ ఊపిరి పీల్చుకున్నారు.

న్యూఢిల్లీ, ఆగస్టు 29: న్యాయ వ్యవస్థ పనితీరుకు ఎప్పటికప్పుడు పదును పెట్టే రీతిలో న్యాయ పనితీరు సూచీని ఏర్పాటు చేయాల్సిన అవసరం ఎంతైనా ఉందని నీతి ఆయోగ్ సూచించింది. ముఖ్యంగా దిగువ న్యాయస్థానాల్లో పేరుకుపోతున్న పెండింగ్ కేసులను ఎప్పటికప్పుడు పరిష్కరించడంతోపాటు జాప్యాన్ని నివారించడానికి కూడా ఈ సూచీ ఎంతగానో ఉపకరిస్తుందని స్పష్టం చేసింది.

న్యూఢిల్లీ, ఆగస్టు 29: అన్నాడిఎంకె ఎన్నికల గుర్తు రెండాకులకోసం పార్టీ ఉప ప్రధాన కార్యదర్శి టిటివి దినకరన్ మంగళవారం మరోసారి ఎన్నికల కమిషన్‌ను ఆశ్రయించారు. ఎన్నికల గుర్తుపై ఓ నిర్ణయం తీసుకునే ముందు ఓసారి తన వాదన వినాలని దినకరన్ అభ్యర్థించారు. పళనిస్వామి, పన్నీర్ సెల్వంల వర్గాలు విలీనమై శశికళ, ఆమె బంధువు దినకరన్‌లను కట్టడి చేయడానికి శతవిధాలా ప్రయత్నిస్తున్న సంగతి తెలిసిందే.