న్యూఢిల్లీ, ఆగస్టు 14: స్వాతంత్య్ర దినోత్సవాన్ని పురస్కరించుకుని ఉత్తమ సేవలందించిన తెలంగాణ పోలీసులకు కేంద్ర హోంశాఖ పతకాలను ప్రకటించింది. తెలంగాణ పోలీసులకు మొత్తం 13 పతకాలు దక్కాయి. రాష్టప్రతి విశిష్ట సేవా పతకాలను తెలంగాణ పౌరసరఫరాల శాఖ కమిషనర్‌గా పనిచేస్తున్న సి.వి అనంద్ (ఐపిఎస్), హైదరాబాద్ మెట్రో రైల్ లిమిటెడ్ అడిషనల్ డిసిపి బాలకృష్ణ దక్కించుకున్నారు.

ఆదివారం గోరఖ్‌పూర్‌లోని బాబా రాఘవ్ దాస్ మెడికల్ కాలేజీ ఆస్పత్రిని సందర్శించిన యుపి ముఖ్యమంత్రి ఆదిత్యనాథ్, కేంద్ర ఆరోగ్య శాఖ మంత్రి నడ్డా. వీరి రాకను నిరసిస్తూ ఆందోళన చేస్తున్న వారిని చితకబాధుతున్న పోలీసులు. ఆసుపత్రిలో చికిత్స పొందుతున్న చిన్నారులు

న్యూఢిల్లీ, ఆగస్టు 13: ప్రవాస భారతీయులకు కూడా మన దేశంలో ఓటు హక్కును వినియోగించుకునే అర్హతను ప్రభుత్వం కల్పించిన విషయం తెలిసిందే. అయితే ఇప్పటివరకు కేవలం 24 వేల మంది విదేశీయులు మాత్రమే మన దేశంలో ఓటర్లుగా నమోదు చేసుకున్నారు. విదేశాల్లోని భారతీయులు ఎక్కువమంది ఓటర్లుగా నమోదు చేసుకోవడాన్ని ప్రోత్సహించే ఉద్దేశంతో ఎన్నికల కమిషన్ వారికోసం ఒక పోర్టల్‌ను ప్రారంభించింది.

జమ్మూ, ఆగస్టు 13: జమ్మూకాశ్మీర్‌లోని పూంచ్ జిల్లాలో నియంత్రణ రేఖ వద్ద పాకిస్తాన్ దళాలు మరోసారి కాల్పుల విరమణ ఒప్పందాన్ని ఉల్లంఘించాయి. గత ఇరవై నాలుగు గంటల్లో పాక్ కాల్పులకు తెగబడడం ఇది మూడోసారి. పూంచ్ జిల్లా మన్‌కోటే సెక్టార్‌లో ఆదివారం ఉదయం పాకిస్తాన్ దళాలు కాల్పులు జరిపాయని, అయితే ఎవరూ గాయపడలేదని అధికారులు వెల్లడించారు.