న్యూఢిల్లీ, జూలై 16: గోసంరక్షణ పేరిట గూండాయిజాన్ని సహించడానికి వీల్లేదని ప్రధాని నరేంద్ర మోదీ స్పష్టం చేశారు. అన్ని రాజకీయ పార్టీలు కలిసికట్టుగా ఈ పెడ ధోరణిని తిప్పికొట్టాలని ఆదివారం ఇక్కడ జరిగిన అఖిలపక్ష సమావేశంలో పిలుపునిచ్చారు. గోసంరక్షణ పేరుతో హింసాకాండకు పాల్పడుతున్న సంఘ వ్యతిరేకుల శక్తుల విషయంలో కఠిన చర్యలు తీసుకోవాలని రాష్ట్రాలకు ఆయన విజ్ఞప్తి చేశారు.

న్యూఢిల్లీ, జూలై 16: కొత్త రాష్టప్రతిని ఎన్నుకునేందుకు సర్వం సిద్ధమైంది. దేశంలోని మొత్తం ఎమ్మెల్యేలు, ఎంపీలు కలిపి 4,852 సభ్యులు రాష్టప్రతిని ఎన్నుకునేందుకు సోమవారం తమ ఓటు హక్కును వినియోగించుకోనున్నారు. పార్లమెంటుతోపాటు వివిధ రాష్ట్రాల అసెంబ్లీల్లో సోమవారం ఉదయం పదకొండు గంటలకు పోలింగ్ ప్రారంభం అవుతుంది. ఎన్‌డిఏ అభ్యర్థి రామ్‌నాథ్ కోవింద్‌కు ఏడు లక్షల ఓట్లు పడతాయని అంచనా వేస్తున్నారు.

న్యూఢిల్లీ, జూలై 15: దేశాన్ని పట్టి పీడిస్తున్న వారసత్వ రాజకీయాలు, కులతత్వం, మైనారిటీల బుజ్జగింపు అనే రుగ్మతలను రూపు మాపడానికి, విద్యావిధానంలోని లోపాలను తొలగించడానికి, దేశ విద్యా విధానాన్ని దాని సాంస్కృతిక విలువలతో అనుసంధానం చేయాలని బిజెపి అధ్యక్షుడు అమిత్ షా పిలుపునిచ్చారు.

న్యూఢిల్లీ, జూలై 15: కెనడాకు చెందిన భారతీయ సంతతి మహిళ, యూట్యూబ్ స్టార్ లిల్లీ సింగ్ యూనిసెఫ్ గ్లోబల్ గుడ్‌విల్ అంబాసిడర్‌గా నియమితులయ్యారు. శనివారం ఢిల్లీలో యునిసెఫ్ నిర్వహించిన ‘యూత్ 4చేంజ్’ కార్యక్రమంలో 28ఏళ్ల లిల్లీని అంబాసిడర్‌గా నియమిస్తున్నట్లు ప్రకటించారు. మహిళల సాధికారత, బాలల హక్కుల, ఆరోగ్యానికి సంబంధించిన కార్యక్రమాల్లో భాగస్వామ్యం అయినందుకు లిల్లీ సింగ్‌కు ఈ అరుదైన గౌరవం దక్కింది.