న్యూఢిల్లీ,జూలై 13: కాశ్మీర్ సమస్యను పరిష్కరించుకునేందుకు పాకిస్తాన్‌తో మాత్రమే చర్చలు జరుపుతామని, మూడో దేశం మధ్యవర్తిత్వానికి అంగీకరించే ప్రసక్తే లేదని కేంద్ర ప్రభుత్వం కరాఖండీగా ప్రకటించింది. కాశ్మీర్ సమస్యను పరిష్కరించేందుకు మధ్యవర్తిత్వం చేసేందుకు సిద్ధంగా ఉన్నామంటూ చైనా ఇటీవల ప్రకటించటం తెలిసిందే.

న్యూఢిల్లీ, జూలై 12: మాజీ ప్రధాని ఇందిరాగాంధీ వంశాన్ని అప్రతిష్టపాలు చేసేవిధంగా తెరకెక్కించిన ‘ఇందు సర్కార్’ సినిమాను నిలిపివేయాలని ఇందిర మనుమరాలిగా, సంజయ్ కూతురిగా చెప్పుకుంటున్న ప్రియాసింగ్ పాల్ ఢిల్లీ హైకోర్టులో పిటిషన్ దాఖలు చేశారు. చిన్న వయసులోనే తనను దత్తత ఇచ్చారనీ, వయసు పెరిగిన తర్వాత తన తండ్రి సంజయ్‌గాంధీ అని చెప్పారనీ 48 ఏళ్ల ప్రియాసింగ్ వెల్లడించారు.

న్యూఢిల్లీ, జూలై 12: అవినీతి కేసులో భాగంగా జరిపిన సోదాల్లో ఆదాయం పన్ను శాఖ జార్ఖండ్ ప్రిన్సిపల్ కమిషనర్‌కు చెందిన కోల్‌కతా నివాసంలో రూ.3.5 కోట్ల నగదు, 5 కిలోల బంగారాన్ని స్వాధీనం చేసుకున్నట్లు కేంద్ర నేర పరిశోధనా సంస్థ (సిబిఐ ) బుధవారం తెలిపింది.

ముంబయి, జూలై 12: అమర్‌నాథ్ యాత్రికుల దాడికి ప్రభుత్వ వైఫల్యమే కారణమని ఎన్‌డిఏ మిత్రపక్షమైన శివసేన విరుచుకుపడింది. ప్రధాని నరేంద్రమోదీ, బిజెపిలపై సేన దుమ్మెత్తిపోసింది. కాశ్మీర్ లోయలో ఉగ్రవాదులపై పోరాడడానికి గోరక్షకులను పంపాలని శివసేన సలహాఇచ్చింది. ఉగ్రవాద దాడులు జరిగినప్పుడు పేపర్లలో ఖండించడమే తప్ప అలాంటివి పునరావృతం కాకుండా ఎలాంటి చర్యలూ ఉండడం లేదని సేన అధికార పత్రిక ‘సామ్నా’లో ధ్వజమెత్తింది.