భోపాల్, జూన్ 9: రాష్ట్ర వ్యాప్తంగా రైతుల ఆందోళనలు తీవ్రమవుతున్న నేపథ్యంలో వారి సమస్యలను స్వయంగా వినేందుకు మధ్యప్రదేశ్ ముఖ్యమంత్రి శివరాజ్ సింగ్ చౌహాన్ శనివారం నిరశన కార్యక్రమం జరుపబోతున్నారు. రాష్ట్ర రాజధానిలోని దసరా మైదానంలో జరిగే ఈ కార్యక్రమం సందర్భంగా రైతుల సమస్యలను ఆయన స్వయంగా విని, వాటి తక్షణ పరిష్కారానికి ఆదేశాలు జారీ చేస్తారు.

న్యూఢిల్లీ, జూన్ 9: తెలుగు రాష్ట్రాల్లోని జిల్లా న్యాయమూర్తుల అర్హత పరీక్షను సివిల్ జడ్జీలు రాసేందుకు సుప్రీంకోర్టు అనుమతినిచ్చింది. ఏపీ, తెలంగాణల్లో జిల్లా న్యాయమూర్తుల పోస్టుల భర్తీకి ఉమ్మడి హైకోర్టు ఏప్రిల్ 15ననోటిఫికేషన్ విడుదల చేస్తూ, శిక్షణ న్యాయవాదులకు మాత్రమే పరీక్షకు అర్హులుగా పేర్కొంది. దీనిపై తెలుగు రాష్ట్రాలకు చెందిన దాదాపు 40 మంది సుప్రీం కోర్టును ఆశ్రయించారు.

న్యూఢిల్లీ, జూన్ 9: పాన్‌కార్డుల జారీకి, అలాగే ఆదాయం పన్ను రిటర్న్‌లు దాఖలు చేయడానికి ఆధార్‌ను తప్పనిసరి చేస్తూ ఆదాయం పన్ను చట్టంలో చేర్చిన నిబంధనను సుప్రీంకోర్టు శుక్రవారం సమర్థించింది. అయి తే ప్రైవసీ హక్కు అంశంపై విచారణ జరుపుతున్న రాజ్యాంగ ధర్మాసనం తీర్పు వెలువడే దాకా దాని అమలును పాక్షికంగా నిలిపివేసింది.

న్యూఢిల్లీ, జూన్ 8: ‘ఒక్క ట్వీట్ చేస్తే చాలు.. సాయం చేయడానికి సిద్ధం’ అంటూ స్పందించే వారిలో విదేశాంగ మంత్రి సుష్మాస్వరాజ్ అందరికన్నా ముందుంటారనే విషయం అందరికీ తెలిసిందే. అనేక సందర్భాల్లో ఆమె సోషల్ మీడియా ద్వారా వచ్చిన అభ్యర్థనకు సైతం స్పందించి వారిని ఆకట్టుకున్నారు కూడా. ‘నా బిడ్డకు ఆపరేషన్ చేయించడానికి భారత్‌కు తీసుకు రావాలి.