వైరీ (మహారాష్ట్ర), ఏప్రిల్ 15: కర్ణాటక నుంచి మహారాష్టక్రు పిక్నిక్ కోసం వచ్చిన ఒక ఇంజనీరింగ్ కళాశాల విద్యార్థుల్లో ఎనిమిది మంది శనివారం సముద్రంలో మునిగి చనిపోయారు. సింధుదుర్గ్ జిల్లాలోని వైరీ తీరంలో అరేబియా మహాసముద్రంలోకి దిగిన వీరు నీట మునిగి చనిపోయారని పోలీసులు చెప్పారు. బెల్గాంలోని మరాఠా ఇంజనీరింగ్ కళాశాల విద్యార్థులు 47 మందిలో 30 మంది ఈతకోసం సముద్రంలోకి దిగారు.

విశాఖపట్నం, ఏప్రిల్ 15: తెలుగు రాష్ట్రాల్లో మరో రెండు రోజుల పాటు ఎండలు తీవ్రంగా ఉండనున్నాయి. కొద్ది రోజులుగా పగటి ఉష్ణోగ్రతలు పెరుగుతూ వస్తున్నప్పటికీ రానున్న రెండు రోజుల్లో ఇది మరింత తీవ్రంగా ఉండే అవకాశం ఉన్నట్టు వాతావరణ పరిశీలకులు అంచనావేస్తున్నారు.

న్యూఢిల్లీ, ఏప్రిల్ 15: భారత నౌకాదళ మాజీ అధికారి కుల్‌భూషణ్ జాదవ్ వ్యవహారం ఇరు దేశాల మధ్య తీవ్ర స్థాయిలో ఉద్రిక్తతలు రగిలిస్తున్న నేపథ్యంలో వచ్చేవారం పాకిస్తాన్‌తో జరగనున్న తీర ప్రాంత రక్షణ దళాల చర్చలను భారత్ రద్దు చేసుకుంది. ఈ నెల 16, 19 తేదీల్లో జరిగే చర్చల్లో పాల్గొనేందుకు పాకిస్తాన్ తీరప్రాంత భద్రతా ఏజెన్సీ (ఎంఎస్‌ఏ) సారథ్యంలో ప్రతినిధుల బృందం భారత్‌కు రావాల్సి వుంది.

లక్నో, ఏప్రిల్ 14: ఎలక్ట్రానిక్ ఓటింగ్ యంత్రాల టాంపరింగ్‌పై మాట్లాడుతున్నందుకే బిజెపి తనను టార్గెట్ చేస్తోందని బిఎస్పీ అధ్యక్షురాలు మాయావతి ఆరోపించారు. ఇవిఎంల టాంపరింగ్ అంశంపై బిజెపికి వ్యతిరేకంగా పోరాడేందుకు ఏ పార్టీతోనైనా చేతులు కలపడానికి తాను సిద్ధమేనని కూడా ఆమె ప్రకటించారు.