న్యూఢిల్లీ, ఏప్రిల్ 11: ఏపీలో మిరప పంటకు గిట్టుబాటు ధర కల్పించాలని కేంద్రానికి ఏపీ ప్రభుత్వం విజ్ఞప్తి చేసింది. మంగళవారం పార్లమెంట్‌లోని కేంద్రమంత్రి వెంకయ్యనాయుడు కార్యాలయంలో మిర్చి రైతుల సమస్యలపై మంత్రి వెంకయ్యనాయుడు, కేంద్ర వ్యవసాయ మంత్రి రాధా మోహన్ సింగ్‌లతో ఏపీ మంత్రులు సోమిరెడ్డి చంద్రమోహన్‌రెడ్డి, ఆదినారాయణ రెడ్డి, రాష్ట్ర ఎంపీలు చర్చలు జరిపారు.

న్యూఢిల్లీ, ఏప్రిల్ 11: భారతీయుడు కుల్‌భూషణ్ జాదవ్‌పై చేసిన ఆరోపణలన్నీ కట్టుకథలంటూ పాకిస్తాన్‌పై భారత్ తీవ్ర స్థాయిలో ధ్వజమెత్తింది. ఆయన్ని గూఢచారిగా పేర్కొంటూ విధించిన ఉరి శిక్షను అమలు చేస్తే తీవ్ర పరిణామాల్ని ఎదుర్కోవాల్సి ఉంటుందని హెచ్చరించింది. ఈ అంశంపై పార్లమెంట్ ఉభయ సభలూ మంగళవారం దద్దరిల్లిన నేపథ్యంలో విదేశాంగ మంత్రి సుష్మా స్వరాజ్ మాట్లాడారు.

న్యూఢిల్లీ, ఏప్రిల్ 11: ఆంధ్రప్రదేశ్ సహా ఏ ఇతర రాష్ట్రానికీ ఇకపై ప్రత్యేక హోదా ఇవ్వటం సాధ్యంకాదని కేంద్ర ప్రణాలిక, పట్టణాభివృద్ధి మంత్రి రావ్ ఇంద్రజీత్ సింగ్ రాజ్యసభలో ప్రకటించారు. కాంగ్రెస్ ఎంపీ కెవిపి రామచంద్రరావు ఇచ్చిన సావధాన తీర్మానానికి సమాధానమిస్తూ 14వ ఆర్థిక సంఘం ఇచ్చిన సిఫార్సులు అమలు చేయటం ద్వారా ఆంధ్రకు ప్రత్యేక హోదావల్ల కలిగే ప్రయోజనాలు కలిగిస్తున్నట్టు బదులిచ్చారు.

న్యూఢిల్లీలో సోమవారం రాజ్‌ఘాట్‌ను సందర్శించి జాతిపిత మహాత్మా గాంధీజీకి
పుష్పాంజలి ఘటిస్తున్న ఆస్ట్రేలియా ప్రధాన మంత్రి టర్న్‌బుల్