న్యూఢిల్లీ, ఆగస్టు 23: ప్రాథమిక వౌలిక రంగ అభివృద్ధి జరగకుండా భారత్ అభివృద్ధి సాధ్యం కాదని ప్రధానమంత్రి నరేంద్ర మోదీ అన్నారు. కీలకమైన ఇన్‌ఫ్రా రంగాలలో అభివృద్ధిని వేగంగా సాధించేందుకు తమ ప్రభుత్వం చర్యలు తీసుకుంటోందని అన్నారు. సంప్రదాయేతర ఇంధన వనరులు, రైల్వేలు వంటి కీలకరంగాల్లో పురోగతికి సంబంధించిన అంశాలపై ప్రధానమంత్రి సోమవారం సమీక్ష నిర్వహించారు.

న్యూఢిల్లీ, ఆగస్టు 23: ప్రధాన మంత్రి నరేంద్ర మోదీ ప్రాతినిధ్యం వహిస్తున్న వారణాసి లోక్‌సభ నియోజకవర్గంలో కాంగ్రెస్ అధ్యక్షురాలు సోనియా గాంధీ బహిరంగ సభ నిర్వహించినందుకు ప్రతీకారంగా కాంగ్రెస్ ఉపాధ్యక్షుడు రాహుల్ గాంధీ ప్రాతినిధ్యం వహిస్తున్న అమేథీ లోక్‌సభ నియోజకవర్గంలో బిజెపి భారీ బహిరంగ సభను ఏర్పాటు చేస్తోంది. వచ్చే నెలలో జరిగే ఈ బహిరంగ సభలో ప్రధాన మంత్రి నరేంద్ర మోదీ ప్రసంగించనున్నారు.

న్యూఢిల్లీ, ఆగస్టు 23: సౌదీ అరేబియాలో ఉపాధి కోల్పోయి వీధినపడ్డ భారతీయ కార్మికులందరూ సెప్టెంబర్ 25లోగా స్వదేశానికి తిరిగి రావాలని విదేశాంగ మంత్రి సుష్మా స్వరాజ్ మంగళవారం నాడిక్కడ స్పష్టం చేశారు. ఇందుకు సంబంధించి ప్రభుత్వం కల్పిస్తున్న సౌకర్యాలను వినియోగించుకోలేని పరక్షంలో వారందరూ కూడా సొంత ఏర్పాట్లతోనే స్వదేశానికి రావాల్సి వుంటుందని తెలిపారు.

అమృత్‌సర్, ఆగస్టు 23: కడుపునొప్పితో ఆసుపత్రిలో చేరిన ఓ కానిస్టేబుల్‌కు వైద్యులు శస్తచ్రికిత్స చేయగా 40 కత్తులు బయటపడ్డారు. పంజాబ్‌లోని తరన్ తరన్ జిల్లాలో ఈ సంఘటన చోటుచేసుకుంది. పేషంట్ కడుపులో ఇన్ని కత్తులు బయటపడడంతో వైద్యులు అవాక్కయ్యారు. సుర్జిత్ సింగ్ (40) తరన్ తరన్ జిల్లాలో కానిస్టేబుల్‌గా పనిచేస్తున్నాడు. విపరీతమైన కడుపునొప్పితో బాధపడుతున్న అతడు ఓ కార్పొరేట్ ఆసుపత్రికి వెళ్లాడు.