న్యూఢిల్లీ, ఆగస్టు 1: సౌదీ అరేబియాలో చిక్కుకుపోయిన సుమారు పది వేల మంది భారతీయులను స్వదేశానికి తీసుకు వస్తామని విదేశాంగ మంత్రి సుష్మా స్వరాజ్ సోమవారం పార్లమెంటుకు చెప్పారు. విదేశాంగ శాఖ సహాయ మంత్రి వి.కె.సింగ్ ఈ తరలింపు ప్రక్రియను పర్యవేక్షించేందుకు సౌదీ అరేబియాకు వెళ్తున్నారని ఆమె పార్లమెంటు ఉభయసభల్లో చేసిన ప్రకటనలో వెల్లడించారు.

అహ్మదాబాద్, ఆగస్టు 1: మరో మూడు నెలల్లో 75 సంవత్సరాలు పూర్తి చేసుకోనున్న తనను పార్టీ సంప్రదాయం ప్రకారం అన్ని రకాల బాధ్యతల నుంచి విముక్తం చేయాలంటూ గుజరాత్ ముఖ్యమంత్రి ఆనందీ బెన్ చేసిన అభ్యర్థనను బిజెపి నాయకత్వం ఆమోదించింది. ఇందులో భాగంగా రాష్ట్ర ముఖ్యమంత్రి పదవికి సోమవారం రాజీనామా చేయడం, వెంటనే దానిని ఆమోదించడం వెంటనే జరిగిపోయాయి.

నోయిడా, ఆగస్టు 1: బులంద్‌షహర్‌లో తల్లీకూతుళ్లపై సామూహిక అత్యాచారానికి పాల్పడిన నిందితులను తమకు అప్పగించాలని, వారిని ప్రజల మధ్యలో నిలబెట్టి కాల్చిపారేస్తామని బాధితుల బంధువులు ఉత్తరప్రదేశ్ ముఖ్యమంత్రి అఖిలేశ్ యాదవ్‌ను కోరారు. ఢిల్లీ-కాన్పూర్ జాతీయ రహదారిపై జరిగిన ఈ దుర్ఘటన దేశవ్యాప్తంగా విస్మయం కలిగించిన సంగతి తెలిసిందే.

చెన్నై/న్యూఢిల్లీ, ఆగస్టు 1: అన్నాడింకె ఎంపి శశికళ పుష్పను ఆ పార్టీ అధినేత్రి, తమిళనాడు ముఖ్యమంత్రి జయలలిత పార్టీ నుంచి సోమవారం బహిష్కరించారు. ఢిల్లీ విమానాశ్రయంలో శనివారం నాడు తమిళనాడు ప్రతిపక్ష పార్టీ డిఎం కెకు చెందిన తోటి పార్లమెంట్ సభ్యుడు త్రిచి శివ చెంప చెళ్లుమనిపించిన ఆరోపణలపై శశికళను పార్టీ నుంచి బహిష్కరిస్తున్నట్లు ప్రకటించారు.