S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

04/10/2016 - 04:22

న్యూఢిల్లీ, ఏప్రిల్ 9: కేంద్ర ప్రభుత్వం ప్రతిష్ఠాత్మకంగా చేపట్టిన సాగర్‌మాల ప్రాజెక్టు కింద రానున్న నాలుగయిదేళ్లలో కనీసం ఒక కోటి ఉద్యోగాలు సృష్టించనున్నట్లు కేంద్ర రోడ్డు రవాణా, హైవేలు, షిప్పింగ్ శాఖల మంత్రి నితిన్ గడ్కరీ తెలిపారు. దేశానికి ఉన్న 7,500 కిలో మీటర్ల తీర ప్రాంతంలో ఓడ రేవులు తదితర అభివృద్ధి కార్యక్రమాలను చేపట్టే ఉద్దేశంతో ఈ సాగర్‌మాల ప్రాజెక్టును చేపట్టారు.

04/09/2016 - 12:14

హైదరాబాద్:పేదలకు ప్రయోజనం కలిగిస్తున్న లోక్ అదాలత్‌కు అందరూ పునరంకితం కావాలని సుప్రీంకోర్టు చీఫ్ జస్టిస్ టి.ఎస్.్ఠకూర్ పిలుపునిచ్చారు. హైదరాబాద్‌లో ప్రారంభమైన 14వ అఖిలభారత న్యాయాధికార సంస్థ సదస్సును ఆయన ప్రారంభించి మాట్లాడారు. లోక్ అదాలత్‌కు సవాళ్లు ఎదురౌతున్నాయని, అయినా నిరంతరం ఈ ప్రక్రియ కొనసాగాలని ఆయన ఆకాంక్షించారు.

04/09/2016 - 08:27

రహా (అసోం), ఏప్రిల్ 8: అసోం ఎన్నికల ప్రచారంలో ప్రధానమంత్రి నరేంద్రమోదీ ప్రధాన ప్రత్యర్థి కాంగ్రెస్‌పై నిప్పులు చెరుగుతున్నారు. సుడిగాలి ప్రచార సభలతో కాంగ్రెస్ పాలనపైనా, అసోం నుంచి రాజ్యసభకు ప్రాతినిథ్యం వహిస్తున్న మాజీ ప్రధాని మన్మోహన్‌పైనా తీవ్రస్థాయిలో విమర్శలు గుప్పించారు. శుక్రవారం రహాలో జరిగిన ప్రచార సభలో మోదీ మాట్లాడుతూ మొట్టమొదటిసారిగా శారదా చిట్‌ఫండ్ స్కాంను ప్రముఖంగా ప్రస్తావించారు.

04/09/2016 - 08:25

శ్రీనగర్, ఏప్రిల్ 8: శ్రీనగర్‌లోని నేషనల్ ఇన్‌స్టిట్యూట్ ఆఫ్ టెక్నాలజి (నిట్)లో మళ్లీ ఆందోళనలు మొదలయ్యాయి. నిట్‌ను కాశ్మీర్ నుంచి మరోచోటికి తరలించడం సహా తమ డిమాండ్లన్నింటి సాధన కోసం స్థానికేతర విద్యార్థులు శుక్రవారం క్యాంపస్‌లో ప్రదర్శన నిర్వహించారు.

04/09/2016 - 08:24

న్యూఢిల్లీ, ఏప్రిల్ 8: కేంద్ర మానవ వనరుల అభివృద్ధి మంత్రిత్వ శాఖ ఇటీవల దేశంలోని విద్యాసంస్థలకు ఇచ్చిన ర్యాంకుల తీరును పలువురు విద్యావేత్తలు విమర్శిస్తున్నారు. ఈ ర్యాంకుల జాబితా తమను ఆశ్చర్యానికి గురిచేసిందని పేర్కొన్నారు. అయితే యూనివర్శిటీలు సమర్పించిన డాటా ఆధారంగానే ర్యాంకులు కేటాయించినట్టు హెచ్‌ఆర్‌డి మంత్రిత్వ శాఖ పేర్కొంటోంది.

04/09/2016 - 07:09

న్యూఢిల్లీ, ఏప్రిల్ 8: తెలంగాణ రాష్ట్ర బిజెపి అధ్యక్షుడిగా డాక్టర్ కె లక్ష్మణ్ నియమితులయ్యారు. బిజెపి జాతీయ అధ్యక్షుడు అమిత్ షా శుక్రవారం ఐదు రాష్ట్రాల పార్టీ శాఖలకు కొత్త అధ్యక్షులను నియమించారు. ప్రస్తుత అధ్యక్షుడు జి కిషన్ రెడ్డి స్థానంలో బిజెపి శాసన సభాపక్ష నేత లక్ష్మణ్ నియమితులయ్యారు.

04/09/2016 - 05:31

శనిసింగనాపూర్ ఆలయ ప్రవేశానికి అనుమతి దేవాలయ ట్రస్టు నిర్ణయం.. వెంటనే అమలు

మహిళల ప్రవేశంపై
దశాబ్దాలుగా కొనసాగుతున్న ఆంక్షలను శనిసింగనాపూర్ దేవాలయ ట్రస్టు శుక్రవారం
ఎత్తివేసింది. మహారాష్ట్ర వ్యాప్తంగా ప్రజలు నూతన సంవత్సర ఆరంభదినంగా జరుపుకునే ‘గుడి పడ్వా’ రోజునుంచే నిర్ణయం
అమలులోకి వచ్చింది.

04/09/2016 - 05:12

న్యూఢిల్లీ, ఏప్రిల్ 8: బ్రిటన్‌లో ఉన్న కోహినూర్ వజ్రాన్ని వెనక్కి తీసుకొచ్చే విషయయంలో మీ ఉద్దేశం ఏమిటని కేంద్ర ప్రభుత్వాన్ని సుప్రీం కోర్టు ప్రశ్నించింది. ఒకప్పుడు భారత్‌కు తరగని వనె్నతెచ్చిన కోహినూన్ వజ్రం ప్రస్తుతం బ్రిటన్‌లో ఉంది. 105 కేరెట్ల కోహినూర్ వజ్రం ప్రపంచంలోనే అతిపెద్దది.

04/09/2016 - 05:08

న్యూఢిల్లీ, ఏప్రిల్ 8: ఆంధ్రప్రదేశ్ స్థానికత కలిగినవారంటూ తెలంగాణ ప్రభుత్వం రిలీవ్ చేసిన 1253మంది విద్యుత్ ఉద్యోగులకు సుప్రీంకోర్టులో ఊరట లభించింది. వారికి తెలంగాణ ప్రభుత్వమే వేతనాలు చెల్లించాలని సర్వోన్నత న్యాయస్థానం తేల్చి చెప్పింది. ఆంధ్రప్రదేశ్, తెలంగాణ రాష్ట్రాలు 58:42 నిష్పత్తిలో వేతనాలు చెల్లించాలన్న హైకోర్టు ఉత్తర్వులను సవరించింది.

04/08/2016 - 16:28

బెంగళూరు: ఉగాది సందర్భంగా విడుదలైన సర్దార్ గబ్బర్‌సింగ్ సినిమా చూస్తు ఘర్షణ పడిన అభిమానుల్లో ఒకరు మరణించారు. కర్ణాటకలోని పావగడలోని అలంకార్ థియేటర్లో సర్దార్ గబ్బర్‌సింగ్ సినిమా చూస్తున్న ఇద్దరు అభిమానులు మాటామాటా అనుకుని ఘర్షణపడ్డారు. పరస్పరం కత్తులతో దాడి చేసుకున్నారు. ఈ దాడిలో రాకేష్‌నాయక్ అనే ప్రేక్షకుడు మరణించాడు.

Pages