న్యూఢిల్లీ, మే 23: బ్రెడ్ తింటున్నారా? అయితే మీకు కేన్సర్ ముప్పు తప్పదు. సెంటర్ ఫర్ సైన్స్ అండ్ ఎన్విరాన్‌మెంట్ (సిఎస్‌ఇ) జరిపిన పరిశీలనలో భయంకరమైన వాస్తవాలు వెలుగుచూశాయి. ఏ రకమైన బ్రెడ్ అయినా సరే వాటిల్లో పొటాషియం బ్రోమేట్ లేదా ఐయోడెట్ అవశేషాలు ఉంటున్నట్టు సిఎస్‌ఇ హెచ్చరించింది. ఈ రసాయనాలు కేన్సర్ కారకాలని స్పష్టం చేసింది.

న్యూఢిల్లీ, మే 23: కాంగ్రెస్ పార్టీలో జూనియర్, సీనియర్ల నాయకుల మధ్య అభిప్రాయ భేదాలు ప్రారంభమయ్యాయి. అసోం, కేరళ అసెంబ్లీ ఎన్నికల్లో కాంగ్రెస్ ఓటమి పాలుకావటంతో జూనియర్, సీనియర్ల మధ్య మాటల యుద్ధం బహిరంగమైంది. కాంగ్రెస్‌ను బతికించుకోవాలంటే యువతకు పెద్దపీట వేయాలంటూ ఏఐసిసి ప్రధాన కార్యదర్శి దిగ్విజయ్ సింగ్ చేసిన ప్రకటన జూనియర్ల తిరుగుబాటుకు మరింత ఊతాన్నిచ్చింది.

జమ్ము, మే 23: జమ్మూకాశ్మీర్‌లోని శ్రీనగర్‌లో సోమవారం ఉగ్రవాదులు ఒక పోలీసు పార్టీపై దాడికి తెగబడ్డారు. ఈ దాడిలో ముగ్గురు పోలీసులు వీరమరణం పొందారు. జమ్మూకాశ్మీర్‌లో మెహబూబా ముఫ్తీ నేతృత్వంలో పిడిపి-బిజెపి సంకీర్ణ ప్రభుత్వం ఏర్పడిన తరువాత వేర్పాటువాద గెరిల్లాలు పెద్దదాడికి తెగబడటం ఇదే మొదటిసారి. ఈ దాడికి తామే పాల్పడినట్లు కరడుగట్టిన ఉగ్రవాద సంస్థ హిజ్బుల్ ముజాహిదీన్ (హెచ్‌ఎం) ప్రకటించుకుంది.

న్యూఢిల్లీ, మే 23: దేశంలోని వివిధ రాజకీయ పార్టీలకు ఎన్నికల్లో సేకరించే నిధుల్లో 63 శాతం వరకూ నగదు రూపేణా వస్తున్నవేనని అసోసియేషన్ ఫర్ డెమోక్రటిక్ రిఫామ్స్ (ఎడిఆర్) సంస్థ వెల్లడించింది. 2004-2015 మధ్య జరిగిన అసెంబ్లీ ఎన్నికలకు సంబంధించి మొత్తం 2,100 కోట్ల రూపాయలు నిధులు సమకూర్చుకున్నట్టు ఎడిఆర్ తెలిపింది. అందులో నగదు రూపేణ వచ్చిన నిధులే అధికమని వారు చెప్పారు.