ముంబయి, ఏప్రిల్ 29: మహారాష్టల్రోని ఆదర్శ హౌసింగ్ సొసైటీ కుంభకోణం కేసులో శుక్రవారం బాంబే హైకోర్టు సంచలన తీర్పును ఇచ్చింది. 31 అంతస్తుల భవనాన్ని కూల్చేయాలని కేంద్ర పర్యావరణ శాఖను న్యాయస్థానం ఆదేశించింది. దక్షిణ ముంబయిలోని కొలాబా ప్రాంతంలో కార్గిల్ యుద్ధంలో మరణించిన సైనికుల కోసం ఆదర్శ హౌసింగ్ సొసైటీలో ఆరు అంతస్తుల భవనాన్ని నిర్మించారు.

న్యూఢిల్లీ, ఏప్రిల్ 29: మెడికల్ కోర్సుల్లో ప్రవేశానికి నిర్వహించే జాతీయ స్థాయి అర్హతా పరీక్ష (నీట్) నిర్వహణపై ఇచ్చిన తీర్పును పునస్సమీక్షించాలంటూ కేంద్రం దాఖలు చేసుకున్న పిటిషన్‌ను విచారణకు స్వీకరించడానికి సుప్రీంకోర్టు శుక్రవారం నిరాకరించింది.

న్యూఢిల్లీ, ఏప్రిల్ 29: ఉద్యోగుల భవిష్య నిధి సంస్థ (ఈపిఎఫ్‌ఓ) వడ్డీ రేటును కేంద్రం .1 శాతం పెంచింది. వడ్డీ రేటును 8.7 శాతం నుంచి 8.8 శాతానికి పెంచుతూ కేంద్ర ఆర్థిక శాఖ నిర్ణయం తీసుకున్నట్టు కేంద్ర కార్మిక ఉపాధి కల్పన మంత్రి బండారు దత్తాత్రేయ వెల్లడించారు.

కొట్టాయం: సీనియర్ కాంగ్రెస్ నేత, కేరళ ముఖ్యమంత్రి ఊమెన్ చాందీ పుత్తుపల్లి నియోజకవర్గం నుంచి 11వ సారి అసెంబ్లీకి పోటీ చేస్తున్నారు. ఆయన పుత్తుపల్లి నుంచి ఇప్పటికి పదిసార్లు గెలిచారు. ఈసారి కూడా అదే స్థానం నుంచి బరిలోకి దిగారు. నామినేషన్ వేసే ముందు ఆయన స్థానిక చర్చిలో ప్రార్థనలు చేసి, తల్లిదండ్రుల సమాధుల వద్ద నివాళులర్పించారు.