S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

02/24/2016 - 15:48

చెన్నై: అన్నాడిఎంకె పార్టీ అధినేత్రి, తమిళనాడు సిఎం జయలలిత 68వ జన్మదినం సందర్భంగా రాష్ట్రంలో వేడుకల్ని గతంలో ఎన్నడూ లేనంతగా బుధవారం నాడు అత్యంత కోలాహలంగా నిర్వహిస్తున్నారు. పార్టీ కార్యకర్తలు, అభిమానులు తమ చేతులపై జయలలిత బొమ్మను పచ్చబొట్లు వేయించుకుంటున్నారు. ఆమె బొమ్మ ఉన్న టీషర్టులను ధరించి సందడి చేస్తున్నారు.

02/24/2016 - 15:48

దిల్లీ: హెచ్‌సియులో దళిత విద్యార్థి రోహిత్ ఆత్మహత్య ఉదంతంపై రాజ్యసభలో విపక్షాలు ఆందోళనకు దిగాయి. బిఎస్పీ ఎంపీ మాయావతి ఈరోజు సభలో రోహిత్ ఆత్మహత్య ఘటనను ప్రస్తావిస్తూ ప్రభుత్వంపై నిప్పులు చెరిగారు. ఆమె ఆరోపణలను కేంద్ర మంత్రి స్మృతి ఇరానీ తిప్పికొట్టిన సందర్భంగా అధికార, విపక్ష సభ్యుల మధ్య వాగ్యుద్ధం నెలకొంది.

02/24/2016 - 15:48

దిల్లీ: దేశ రాజధానిలోని ఏపీ భవన్ ముందు బుధవారం ఉదయం బైక్‌పై వెళుతున్న ఓ ఆగంతకుడు రోడ్డుపై నడిచి వెళుతున్న మహిళ మెడలో నుంచి అయిదు తులాల బంగారు గొలుసును తస్కరించి పరారయ్యాడు. ఈ ఘటనపై మహిళ ఫిర్యాదు మేరకు పోలీసులు కేసు నమోదు చేశారు.

02/24/2016 - 13:38

ముంబయి: పూణెలోని ఎరవాడ జైలు నుంచి సంజయ్ దత్‌ను గురువారం ఉదయం 9 గంటల సమయంలో విడుదల చేసేందుకు అధికారులు అన్ని లాంఛనాలను పూర్తి చేస్తున్నారు. 1993 ముంబయి పేలుళ్ల నేపథ్యంలో అక్రమంగా ఆయుధాలను కలిగి ఉన్నాడన్న అభియోగంపై బాలీవుడ్ నటుడు సంజయ్ దత్‌కు కోర్టు అయిదేళ్ల జైలుశిక్షను విధించిన సంగతి తెలిసిందే.

02/24/2016 - 13:36

చెన్నై: దివంగత మాజీ ప్రధాని రాజీవ్‌గాంధీ హత్యకేసులో వెల్లూర్ జైలులో జీవితశిక్ష అనుభవిస్తున్న నళినికి అధికారులు 12 గంటల పెరోల్ మంజూరు చేశారు. చెన్నైలో మరణించిన తన తండ్రి అంత్యక్రియలకు హాజరయ్యేందుకు నళినికి పెరోల్ ఇచ్చినట్లు జైలు అధికారులు తెలిపారు. ఈ రోజు ఉదయం ఆరు గంటలకు బయటకు వచ్చిన ఆమె సాయంత్రం ఆరు గంటలలోగా తిరిగి జైలుకు చేరుకోవాల్సి ఉంది.

02/24/2016 - 13:35

దిల్లీ: హైదరాబాద్ కేంద్రీయ విశ్వవిద్యాలయంలో దళిత విద్యార్థి రోహిత్ ఆత్మహత్య ఘటన బుధవారం రాజ్యసభలో వేడి పుట్టించింది. హెచ్‌సియులో దళిత వ్యతిరేక పరిస్థితులు నెలకొన్నాయని ఆమె ఆరోపించారు. బిఎస్‌పి ఎంపీ మాయావతి రోహిత్ ఉదంతాన్ని ప్రాస్తావించి, ఈ ఘటనకు ప్రభుత్వానిదే బాధ్యత అన్నారు. ఆమెకు మాట్లాడేందుకు అవకాశం ఇవ్వాలని బిఎస్పీ సభ్యులు పోడియం వద్దకు వెళ్లగా డిప్యూటీ చైర్మన్ వారించారు.

02/24/2016 - 12:02

దిల్లీ: దేశంలో జరుగుతున్న పలు ఆందోళనలు, ఉద్యమాల సందర్భంగా ప్రభుత్వ ఆస్తులు ధ్వంసం కావడంపై సుప్రీంకోర్టు బుధవారం తీవ్ర ఆగ్రహం వ్యక్తం చేసింది. ప్రజలందరికీ చెందిన ప్రభుత్వ ఆస్తులను ధ్వంసం చేయడం సరికాదని కోర్టు హెచ్చరించింది. ప్రభుత్వ ఆస్తులు ధ్వంసమైతే రాజకీయ పార్టీలు, ప్రజా సంఘాలదే బాధ్యత అని న్యాయస్థానం వ్యాఖ్యానించింది.

02/24/2016 - 12:00

దిల్లీ: దేశద్రోహ కేసులో నిందితుడైన జెఎన్‌యు విద్యార్థి నాయకుడు కన్నయ్య దాఖలు చేసిన బెయిల్ పిటీషన్‌పై దిల్లీ హైకోర్టు తన నిర్ణయాన్ని ఈ నెల 29కి వాయిదా వేసింది. కన్నయ్యతోపాటు మరో ఐదుగురిపై దేశద్రోహ కేసులు నమోదైన సంగతి తెలిసిందే.

02/24/2016 - 11:59

గాంధీనగర్: గుజరాత్‌లోని కచ్ జిల్లాలో సముద్ర తీరాన బుధవారం ఉదయం ఓ పడవ కనిపించటం కలకలం రేపింది. పాకిస్తాన్ నుంచి ఆ పడవలో ఎవరో వచ్చి ఉంటారని పోలీసులు అనుమానిస్తున్నారు. ఖాళీగా ఉన్న పడవలో 12 తుపాకులను స్వాధీనం చేసుకొని, అందులో వచ్చిన వారి కోసం గాలింపు చర్యలు చేపట్టారు.

02/24/2016 - 11:59

దిల్లీ: పార్లమెంట్ బడ్జెట్ సమావేశాల్లో ప్రభుత్వం అనుసరించాల్సిన వ్యూహంపై ప్రధాని మోదీ బుధవారం ఉదయం సీనియర్ మంత్రులతో భేటీ అయ్యారు. మంత్రులు వెంకయ్య నాయుడు, అరుణ్ జైట్లీ, రాజ్‌నాథ్ సింగ్, నితిన్ గడ్కరీ, సుష్మా స్వరాజ్ తదితరులు పాల్గొన్నారు.

Pages