దిల్లీ: తెలంగాణ, ఆంధ్రప్రదేశ్ అసెంబ్లీల్లో ప్రస్తుతం ఉన్న నియోజకవర్గాల సంఖ్యను పెంచే దిశగా కేంద్రం కసరత్తు చేస్తోంది. కేంద్ర మంత్రి వెంకయ్య నాయుడు మంగళవారం ఉదయం ఇక్కడ న్యాయశాఖ కార్యదర్శితో సమావేశమై ఈ మేరకు చర్చించారు. ఎపిలో అసెంబ్లీ స్థానాల సంఖ్యను 225కు, తెలంగాణలో సీట్ల సంఖ్యను 153కు పెంచేందుకు విభజన చట్టాన్ని సవరించాల్సి ఉందని ఆయన తెలిపారు.

న్యూఢిల్లీ, మార్చి 28: ఆంధ్రప్రదేశ్‌లో రెండు గ్రామాలకు పూర్తిగా సౌర శక్తి ఆధారంగానే విద్యుత్ ప్రసారం కానుందని కేంద్ర వాణిజ్య, పరిశ్రమల శాఖ మంత్రి నిర్మలా సీతారామన్ తెలిపారు. తూర్పుతల్లు, పెదమ్యానవానిలంక గ్రామాలను ఈ ఏడాది 100 శాతం సౌర విద్యుత్ ఆధారిత గ్రామాలుగా మార్చబోతున్నట్లు సీతారామన్ ట్విట్టర్‌లో పేర్కొన్నారు. సౌర శక్తిపైనే గ్రామాలు ఆధారపడటం దేశంలోనే ఇది తొలిసారి అని ఆమె తెలిపారు.

డెహ్రాడూన్ / న్యూఢిల్లీ, మార్చి 28: అసెంబ్లీలో బల నిరూపణ చేయడానికి రాష్ట్ర గవర్నర్ గడువును నిర్ధారించిన నేపథ్యంలో ఉత్తరాఖండ్ ప్రభుత్వాన్ని డిస్మిస్ చేసి రాష్టప్రతి పాలన విధించడాన్ని కాంగ్రెస్ పార్టీ సోమవారం కోర్టులో సవాల్ చేసింది. పదవీచ్యుతుడైన ముఖ్యమంత్రి హరీశ్ రావత్ ఉత్తరాఖండ్ హైకోర్టులో ఈ మేరకు పిటిషన్ దాఖలు చేశారు.

కోల్‌కతా, మార్చి 28: పశ్చిమ బెంగాల్ అసెంబ్లీ ఎన్నికల్లో మహిళలు, యువకులు అత్యధికంగా తమ ఓటును వినియోగించుకునేలా చూడాలని కేంద్ర ఎన్నికల కమిషన్ యోచిస్తోంది. పోలింగ్ స్వేచ్ఛగా, ప్రశాంతంగా జరిగేలా చర్యలు తీసుకోవడంతోపాటు మహిళ, యువత ఓటర్లలో చైతన్యం తీసుకురావడానికి వివిధ మార్గాలను అనే్వషిస్తోంది. వాల్ పోస్టర్లు, హోర్డింగ్‌లు, మీడియా ప్రకటనలే కాకుండా సామాజిక మాద్యమాలను వాడుకోవాలని ఇసి నిర్ణయించింది.