దిల్లీ: కలెక్షన్ల పరంగా సరికొత్త రికార్డులను సృష్టించిన తెలుగు సినిమా ‘బాహుబలి’ ఉత్తమ చిత్రంగా ఎంపికైంది. కేంద్ర ప్రభుత్వం సోమవారం 68వ జాతీయ చలనచిత్ర అవార్డులను ప్రకటించింది. పురస్కారాల జాబితాను న్యాయనిర్ణేతల సంఘం ఈరోజు కేంద్ర మంత్రి అరుణ్ జైట్లీకి అందజేసింది.

న్యూఢిల్లీ, మార్చి 27: విదేశాల్లో పనిచేస్తున్న రీసెర్చ్ అండ్ ఎనాలసిస్ వింగ్ (రా) అధికారులు, ఉద్యోగులకు న్యాయపరమైన రక్షణ కల్పించేందుకు ఉద్దేశించిన నియమ, నిబంధనలను వెల్లడించేందుకు కేంద్ర ప్రభుత్వం నిరాకరించింది. సమాచార హక్కు చట్టం (ఆర్‌టిఎ) కింద ఈ వివరాలను వెల్లడించేందుకు కేంద్ర కేబినెట్ సెక్రటేరియట్ నిరాకరించింది.

చందోరీ, మార్చి 27: మహారాష్టల్రో చందోరీ గ్రామం మీదుగా సాగుతున్న గోదావరి నదీ పరివాహక ప్రాంతంలో మూడు దశాబ్దాల తర్వాత పలు పురాతన దేవాలయాలు బయల్పడ్డాయి. నాసిక్‌కు దాదాపు 25 కిలోమీటర్ల దూరంలో ఈ గ్రామం ఉంది. ప్రస్తుతం మహారాష్టల్రోని వివిధ ప్రాంతాల్లో తీవ్రమైన వర్షాభావ పరిస్థితులు నెలకొనడంతో అక్కడ గోదావరి పాయలు ఎండిపోయాయి. దీంతో ఆ ప్రాంతంలో పలు దేవాలయాలు బయల్పడ్డాయి.

అహ్మదాబాద్, మార్చి 27: గుజరాత్‌లోని పోరుబందర్ బిజెపి ఎంపి విఠల్ రాడాడియా ఓ వృద్ధుడ్ని పదే పదే కాలితో తన్నుతూ వీడియోకు చిక్కడం, అది సామాజిక మాధ్యమంలో సంచలనం సృష్టించడంతో ఆయనకు చిక్కులు మొదలైనాయి. ఓ మతపరమైన కార్యక్రమంలో పాల్గొన్న రాడాడియా టెంటులో చివరి వరసలో కూర్చుని ఉన్న ఓ వృద్ధుడి వద్దకు వెళ్లి పదే పదే కాలితో తన్నడం ఆ వీడియో దృశ్యాల్లో ఉంది.