అహ్మదాబాద్ :ప్రఖ్యాత భరత నాట్య కళాకారిణి, పద్మభూషణ్ మృణాళిని సారాభాయి(97) కన్ను మూశారు. గురువారం ఉదయం ఆరోగ్యం క్షీణించడంతో మరణించారని కుమార్తె మల్లికా సారాబాయి ఫేస్ బుక్పేజీలో వెల్లడించారు. భారత అంతరిక్షపితామహుడు విక్రం సారాబాయిని మృణాళిని 1942లో వివాహం చేసుకున్నారు. నృత్యకారిణిగానే కాకుండా మంచి రచయిత్రి, కవయిత్రిగా కూడా మృణాళిని గుర్తింపు పొందారు.

దిల్లీ: అంతర్జాతీయ తీవ్రవాద సంస్థ ‘ఐసిస్’తో సంబంధాలు ఉన్న నలుగురు అనుమానిత వ్యక్తులను ఉత్తరాఖండ్‌లో పోలీసులు గురువారం అరెస్టు చేశారు. గణతంత్ర వేడుకల సమయంలో దేశంలో ఉగ్రవాదుల దాడులకు అవకాశం ఉందని నిఘా వర్గాలు హెచ్చరించటంతో పోలీసులు దిల్లీ సహా పొరుగు రాష్ట్రాల్లో విస్తృతంగా తనిఖీలు చేస్తున్నారు. ఈ నేపథ్యంలో ఉత్తరాఖండ్‌లో నలుగురిని అరెస్టు చేసి క్షుణ్ణంగా ప్రశ్నిస్తున్నారు.

న్యూఢిల్లీ, జనవరి 20: ఉత్తరాఖండ్‌లో నలుగురు అనుమానిత ఉగ్రవాదుల అరెస్టుతో హరిద్వార్‌లో జరిగే అర్ధ్ కుంభమేళా సందర్భంగా దాడులకు పాల్పడాలన్న ఉగ్రవాదుల కుట్ర బయటపడిందని ఢిల్లీ పోలీసులు బుధవారం చెప్పారు. అర్ధ్ కుంభమేళా సందర్భంగా హరిద్వార్ వైపు వెళ్తున్న రైళ్లపై, దేశ రాజధాని ఢిల్లీలోని కొన్ని వ్యూహాత్మక ప్రదేశాలపై దాడులకు పాల్పడాలని ఉగ్రవాదులు కుట్ర పన్నారని పోలీసులు తెలిపారు.

దోస్నా/ రోరి/ మీరట్, జనవరి 20: ఇస్లామిక్ సైద్ధాంతిక పునాదులతో ఉగ్రవాదానికి ఆజ్యం పోస్తున్న ఇస్లామిక్ మిలిటెంట్ సంస్థ ఐసిస్‌ను ఢీకొనేందుకు ధర్మసేన పేరిట ఓ సాయుధ బలగం సన్నద్ధమవుతోంది. దేశ రాజధాని నగరం ఢిల్లీ నుంచి ఉత్తరాఖండ్ సరిహద్దు వరకూ హిందూ స్వాభిమాన్ పేరుతో ధర్మసేన శిక్షణా శిబిరాలు ఆవిర్భవించాయి.