హైదరాబాద్ : నగరంలోని రామాంతపూర్ ఇందిరానగర్‌వాసి అయిన శివకిరణ్ అమెరికాలో ఆత్మహత్యకు పాల్పడ్డారు. హైదరాబాద్ ఐఐటిలో చదివిన శివకిరణ్ ఎంఎస్ చదివేందుకు అమెరికా వెళ్లారు. సరైన ర్యాంక్ రాకపోవటంతో మనస్తాపంతో హాస్టల్ గదిలో ఉరేసుకుని మృతిచెందాడు. శివకిరణ్ మృతితో తల్లిదండ్రులు, బంధువులు కన్నీరుమున్నీరుగా విలపిస్తున్నారు.

చండీగఢ్: పంజాబ్‌లోని పఠాన్‌కోట్ వైమానిక స్థావరంలో అనుమానిత వ్యక్తులు సంచరిస్తున్నారన్న సమాచారం మేరకు సాయుధ బలగాలు శుక్రవారం ఉదయం మళ్ళీ గాలింపు చర్యలు చేపట్టాయి. ఉగ్రవాదులు చొరబడిన తర్వాత ఇక్కడ అయిదురోజుల పాటు ఎదురుకాల్పులు జరిగిన సంగతి తెలిసిందే. గాలింపు చర్యలు ముగిసినట్లు అధికారులు ప్రకటించాక మళ్లీ సైనికులు రంగప్రవేశం చేశారు.

న్యూఢిల్లీ, జనవరి 7: అండర్ వరల్డ్ డాన్ ఛోటా రాజన్ ప్రాణాలకు ముప్పు పొంచి ఉన్నందున అతన్ని ముంబయిలోని ప్రత్యేక మోకా కోర్టులో ప్రత్యక్షంగా హాజరుపరచడం సాధ్యం కాదని ఢిల్లీలోని ప్రత్యేక సిబిఐ న్యాయస్థానం తెలిపింది.

గుర్‌దాస్‌పూర్, జనవరి 7: పఠాన్‌కోట్ ఎయిర్‌బేస్‌పై జరిగిన ఉగ్రవాద దాడిపై విచారణ జరుపుతున్న దర్యాప్తు బృందాలు ఎస్‌పి సల్వీందర్ సింగ్ వ్యవహారంపై దృష్టి కేంద్రీకరించాయి. ఎయిర్‌బేస్ దాడికి ముందు ఉగ్రవాదులు తనను నిర్బంధించారని సింగ్ చెప్పిన నేపథ్యంలో ఆ కోణంలోనూ విచారణ మొదలెట్టారు. గురుదాస్‌పూర్ ఎస్పీని ఉగ్రవాదులు ఎక్కడ నిర్బంధించారన్న దానిపై ఆరా తీస్తున్నారు.