పుణె : ఓ పక్క విద్యార్థులు ఆందోళన చేస్తుండగా.. టీవీ నటుడు, భాజపా నేత గజేంద్ర చౌహాన్‌ పుణెలోని ఎఫ్‌టీఐఐ(ఫిల్మ్‌ అండ్‌ టెలివిజన్‌ ఇన్‌స్టిట్యూట్‌ ఆఫ్‌ ఇండియా) ఛైర్మన్‌గా బాధ్యతలు స్వీకరించారు. ఛైర్మన్‌గా ఆయన నియామకాన్ని నిరసిస్తూ విద్యార్థులు 139రోజులుగా ఆందోళన చేపట్టారు.

ఢిల్లీ : పెండింగ్‌ బిల్లులపై చర్చించాలని సోనియాను కోరినట్లు వెంకయ్య తెలిపారు. సోనియాతో సమావేశం అనంతరం పార్లమెంటరీ వ్యవహారాల మంత్రి వెంకయ్యనాయుడు మీడియాతో మాట్లాడుతూ మూడు విషయాలపై ఆమెతో చర్చించానని తెలిపారు. పెండింగ్‌ బిల్లులపై చర్చించాలని, వాటికి ఆమోదం తెలపాలని విజ్ఞప్తి చేసినట్లు చెప్పారు.

హైదరాబాద్: తెలంగాణ అసెంబ్లీ బడ్జెట్ సమావేశాలు ఫిబ్రవరి మొదటి వారంలో నిర్వహించనున్నట్లు శాసనమండలి చైర్మన్ స్వామిగౌడ్ తెలిపారు. ఇటీవల స్థానిక సంస్థల ఎన్నికల్లో గెలుపొందిన టీఆర్ఎస్ నూతన ఎమ్మెల్సీల చేత గురువారం ప్రమాణ స్వీకారం చేయించిన అనంతరం ఆయన మాట్లాడుతూ మండలిలో 40 మంది ఎమ్మెల్సిలు ఉన్నారని తెలిపారు.

దిల్లీ: ఏ ప్రాంతంలో ఉన్న వ్యక్తులైనా వారి మాతృభాషను నేర్చుకోవడానికి రాజ్యాంగం పూర్తి హక్కును కల్పించిందని, అయితే ఇందుకు విరుద్ధంగా కొన్ని రాష్ట్రాల్లో ఆంక్షలు విధించడం అన్యాయమని కేంద్ర మంత్రి వెంకయ్య నాయుడు అన్నారు. ఆయన గురువారం ఇక్కడ ఆంధ్ర అసోసియేషన్ నిర్వహించిన ఓ కార్యక్రమంలో మాట్లాడుతూ తమిళనాడులో తెలుగు నేర్చుకోకుండా చేయడం సమంజసం కాదన్నారు.