కాంగ్రెస్‌ను నామరూపాలు లేకుండా చేయాలన్నది మోదీ కల
ప్రధానికి దాసోహమనే ప్రసక్తే లేదు న్యాయం మా పక్షానే ఉంది
నిప్పులు చెరిగిన సోనియా కేంద్రం మూల్యం చెల్లించక తప్పదు: రాహుల్

రూ. 50వేల పూచీకత్తుపై మంజూరు
స్వామి వాదనలు తోసిపుచ్చిన కోర్టు
ఫిబ్రవరి 20కి తదుపరి కేసు వాయిదా

న్యూఢిల్లీ ‌: కాంగ్రెస్‌ అధినేత్రి సోనియాగాంధీ, ఉపాధ్యక్షుడు రాహుల్‌గాంధీలకు పాటియాల కోర్టు బెయిల్‌ మంజూరు చేసింది. నేషనల్‌ హెరాల్డ్‌ కేసు విచారణలో భాగంగా శనివారం వారు న్యాయమూర్తి ఎదుట హాజరయ్యారు. సోనియా, రాహుల్‌ తరపున కపిల్‌ సిబల్‌ కేసును వాదించారు. బెయిల్‌ మంజూరు చేయాల్సిందిగా న్యాయమూర్తిని కోరగా, చెరో రూ.50వేల పూచీకత్తుపై బెయిల్‌ మంజూరు చేస్తున్నట్లు న్యాయమూర్తి ప్రకటించారు.

న్యూఢిల్లీ : బీజేపీ ప్రభుత్వం సోనియా, రాహుల్ గాంధీపై రాజకీయ కుట్ర చేస్తున్నదని కాంగ్రెస్ సీనియర్ నేత గులాం నబీ ఆజాద్ ధ్వజమెత్తారు. బీజేపీ అధికారంలోకి వచ్చిన నాటి నుంచి విపక్షాలను టార్గెట్ చేస్తుందని మండిపడ్డారు. ఎన్నికలకు మందు కాంగ్రెస్ రహిత భారత్ కోసం బీజేపీ ప్రయత్నించింది. అధికారంలోకి వచ్చాక విపక్ష రహిత భారత్ కోసం ప్రయత్నిస్తుందని ఆగ్రహం వ్యక్తం చేశారు.