న్యూఢిల్లీ, డిసెంబర్ 18: నిర్భయ కేసులో మైనర్‌కు శిక్ష కొనసాగింపు విషయంలో జరిగిన ప్రయత్నాలు విఫలమయ్యాయి. యువతిపై అత్యాచారానికి పాల్పడి, హత్య చేసిన నేరస్థుడు నిర్బంధం నుంచి బయటకు రాకూడదని బాధితురాలి కుటుంబం, బాసటగా నిలిచిన మహిళా సంఘాలు, హక్కుల సంఘాలు చేసిన ప్రయత్నాలు కోర్టువద్ద నిలవలేదు. బాల నేరస్థుడు ఆదివారం బయటకు రావడానికి దారులు తెరుచుకున్నాయి.

ఢిల్లీ : నేషనల్ హెరాల్డ్ కేసుతో తాను రేపు పాటియాలా కోర్టుకు హాజరు కానున్నానని కాంగ్రెస్ అధినేత్రి సోనియాగాంధీ స్పష్టం చేశారు. తమకు భారత న్యాయస్థానాలపై నమ్మకముందని, కోర్టు ఆదేశాల మేరకు సహజంగానే తాను వెళ్లి తీరునానని, ఆపై ఏం జరుగుతుందో చూద్దామని కొద్ది సేపటి క్రితం తనను కలిసిన మీడియాతో ఆమె వ్యాఖ్యానించారు.

ఢిల్లీ: గత మూడు సంవత్సరాల క్రితం దేశ రాజధాని ఢిల్లీలో చోటు చేసుకున్న నిర్భయ అత్యాచారం కేసులో జువైనల్ నేరస్తుడి విడుదల నిలుపుదలపై స్టే ఇవ్వడానికి ఢిల్లీ హైకోర్టు నిరాకరించింది. జువైనల్ నేరస్తుడి విడుదలను ఆపలేమని హైకోర్టు స్పష్టం చేసింది. దీంతో జువైనల్ నేరస్తుడు ఈ నెల 20న విడుదలయ్యే అవకాశాలు కనబడుతున్నాయి.

ఢిల్లీ: గత కొన్ని రోజులుగా ఎలాంటి చర్చ జరగకుండా రాజ్యసభలో వాయిదాల పర్వం కొనసాగుతున్న విషయం తెలిసిందే. ఈ నేపథ్యంలో రాజ్యసభ ఛైర్మన్‌ హమీద్‌ అన్సారీ ఈరోజు మధ్యాహ్నం 2.30గంటలకు అఖిలపక్ష సమావేశం నిర్వహించనున్నారు. రాజ్యసభలో ఉన్న అన్ని పక్షాల నేతలను భేటీకి ఆహ్వానించారు.