బెంగళూరు : బెంగళూరు మహా నగర పాలక ఎన్నికల్లో బీజేపీ అత్యధిక స్థానాలు గెలుచుకుంది. 198 వార్డులకు ఎన్నికలు జరగగా.. బీజేపీ 100, కాంగ్రెస్ 76, జేడీ(ఎస్) 14, ఇతరులు 8 స్థానాల్లో గెలుపొందారు. 2011 ఎన్నికల్లో బీజేపీ 111 స్థానాలు గెలుచుకోగా, కాంగ్రెస్ 66 స్థానాల్లో గెలుపొందింది. ఈ సందర్భంగా ప్రధాని హర్షం వ్యక్తం చేశారు.

న్యూఢిల్లీ : ఢిల్లీ రాష్ట్ర ప్రిన్సిపల్ కార్యదర్శి రాజేంద్ర కుమార్‌పై సీబీఐ దాడులు చేసినట్లు కేంద్ర మంత్రి వెంకయ్యనాయుడు తెలిపారు. 2007, 2013లో రాజేంద్ర కుమార్‌పై నమోదైన కేసుల్లో సీబీఐ తనిఖీలు నిర్వహించినట్లు ఆయనచెప్పారు. లోకసభలో ఆయన మాట్లాడుతూ ఢిల్లీ సీఎం కేజ్రీవాల్ ఆఫీసులో సీబీఐ సోదాలు చేయలేదని చెప్పారు.

దిల్లీ: కొత్త సంవత్సరం వేడుకల సందర్భంగా దాడులు చేసేందుకు కుట్ర పన్నిన ఇద్దరు ఉగ్రవాదులను దిల్లీ పోలీసులు బుధవారం అరెస్టు చేశారు. వీరు జిహాదీ సంస్థకు చెందినవారిగా అనుమానిస్తున్నారు. ఈ అరెస్టుల నేపథ్యంలో దిల్లీ, యు.పి. తదితర ప్రాంతాల్లో పోలీసులు అప్రమత్తమయ్యారు.

న్యూఢిల్లీ, డిసెంబర్ 15: దేశంలో ఎన్నికల్లో పోటీ చేస్తున్న అభ్యర్థుల్లో అత్యధికులు తాము ఎన్నికల్లో చేసిన వ్యయానికి సంబంధించిన లెక్కలు చూపడం లేదని కేంద్ర ఎన్నికల కమిషన్ స్పష్టం చేసింది. ఎన్నికల్లో ధన ప్రవాహానికి అడ్డుకట్టవేసి, స్వేచ్ఛగా ఎన్నికలు జరపడం క్లిష్టంగా మారిందని చీఫ్ ఎలక్షన్ కమిషనర్ నసీమ్ జైదీ అన్నారు. ఎన్నికల్లో ధనమే ప్రధాన పాత్ర పోషిస్తోందని ఆయన ఆవేదన వ్యక్తం చేశారు.