న్యూఢిల్లీ : ఉమ్మడి ఆంధ్రప్రదేశ్‌లో అప్పుల పంపకాలపై కేంద్రం మంగళవారం స్పష్టత ఇచ్చింది. జనాభా నిష్పత్తి దామాషాలో అప్పులను పంపిణీ చేసుకోవాలని సూచించింది. కేంద్రం సూచన ప్రకారం ఏపీకి 58.38శాతం, తెలంగాణకు 41.68శాతం అప్పులు పంపిణీ చేసుకోవాల్సి ఉంటుంది.

భోపాల్ : మధ్యప్రదేశ్‌లోని రత్లాం లోకసభ నియోజకవర్గం కోసం జరిగిన ఉప ఎన్నికలో కాంగ్రెస్ పార్టీ ఘన విజయం సాధించింది. కాంగ్రెస్ అభ్యర్థి కాంతిలాల్ భురియా 88 వేల ఓట్ల తేడాతో బీజేపీ అభ్యర్థి నిర్మలా భురియాపై గెలుపొందాడు.

మణిపూర్ : మణిపూర్‌లోని రెండు అసెంబ్లీ నియోజకవర్గాలకు జరిగిన ఉప ఎన్నికలలో బిజెపి అభ్యర్థులు గెలుపొందారు. దీంతో తొలిసారి మణిపూర్ అసెంబ్లీలోకి బిజెపి అభ్యర్థులు అడుగుపెడుతున్నారు. తంగెమిబంద్ నియోజకవర్గంలో బిజెపి అభ్యర్థి కుముక్చిమ్ జోయోకిషన్ కాంగ్రెస్ అభ్యర్థి జ్యోతిస్ వైకోమ్‌పై విజయం సాధించారు.

చెన్నై: ఇక్కడి ఎయిర్‌పోర్ట్‌లో మంగళవారం ఉదయం ఇద్దరు ప్రయాణీకులను కస్టమ్స్ అధికారులు సోదా చేసి 8 కిలోల బంగారాన్ని స్వాధీనం చేసుకున్నారు. దీని విలువ 2.75 కోట్లు ఉంటుందని అంచనా. తనిఖీల్లో ఓ ప్రయాణీకుడి నుంచి 5.5 కిలోలు, మరో వ్యక్తి నుంచి 2.5 కిలోల బంగారాన్ని గుర్తించారు.