ఢిల్లీ: సీఏఏ వ్యతిరేక ఆందోళనలు హింసాత్మకంగా మారడమే కాకుండా మతఘర్షణలుగా రూపాంతరం చెందుతున్నది. అల్లరి మూకలు యధేచ్ఛగా వీధుల్లోకి వచ్చి విధ్వంసం సృష్టిస్తున్నారు. బుధవారం కొంత మంది గుర్తు తెలియని వ్యక్తులు పలు దుకాణాలను లూటీ చేశారు. కొన్ని దుకాణాలను తగుల బెట్టారు. భద్రతా బలగాలపై రాళ్ళు రువ్వారు. ఈ సంఘటనలతో ఈశాన్య ఢిల్లీ అట్టుడుకిపోతున్నది.

న్యూఢిల్లీ, ఫిబ్రవరి 26: జాతీయ సాంకేతిక జౌళి మిషన్‌ను 1480 కోట్ల రూపాయల వ్యయం తో ఏర్పాటు చేయాలని ప్రధాని నరేంద్ర మోదీ అధ్యక్షతన బుధవారం జరిగిన కేంద్ర మంత్రివర్గం, ఆర్థిక వ్యవహారాల ఉపసంఘం సమావేశంలో నిర్ణయించింది. సాంకేతిక జౌళి రంగంలో దేశాన్ని అంతర్జాతీయ నాయకుడిగా అభివృద్ధి చేయడం ఈ మిషన్ ప్రధాన లక్ష్యమని కేంద్ర ప్రభుత్వం ప్రకటించింది.

చెన్నై, ఫిబ్రవరి 26: త్వరలో ఖాళీ అవుతున్న రాజ్యసభ స్థానాలకు సంబంధించి తమకు ఓ సీటును కేటాయించాలని ఏఐఏడీఎంకేను విజయ్‌కాంత్ నేతృత్వంలోని డీఎండీకే బుధవారం డిమాండ్ చేసింది. సంకీర్ణ ధర్మాన్ని పాటిస్తూ ఈ స్థానాన్ని కేటాయించాలని విజయ్‌కాంత్ తరఫున ఆయన భార్య ప్రేమలత ఏఐఏడీఎంకేకు విజ్ఞప్తి చేయగా అధిష్ఠానంతో సమాలోచనలు జరిపి నిర్ణయం తీసుకొంటామని వివరణ ఇచ్చినట్లు సమాచారం.

న్యూఢిల్లీ: దేశ రాజధానిలో శాంతి, సోదరభావం నెలకొల్పాలని ప్రధాని నరేంద్ర మోదీ ఢిల్లీ ప్రజలకు పిలుపు ఇచ్చారు. నరేంద్ర మోదీ బుధవారం ఈ మేరకు ట్వీట్ చేశారు. ఢిల్లీలో గత మూడు రోజులు జరిగిన అల్లర్లపై నరేంద్ర మోదీ మొదటిసారి స్పందిస్తూ శాంతి, సామరస్యం మన సంస్కృతి మూల స్తంభాలంటూ అన్ని వేళలా శాంతి, సోదరభావం నెలకొల్పాలని ఢిల్లీలోని సోదర, సోదరీమణులకు విజప్తి చేస్తున్నానని తెలిపారు.