షిల్లాంగ్, ఫిబ్రవరి 9: చిట్‌ఫండ్ స్కాం కేసులో ఆరోపణలు ఎదుర్కొంటున్న కోల్‌కొతా పోలీసు కమిషనర్ రాజీవ్ కుమార్‌ను సీబీఐ పోలీసులు ఇక్కడ విచారించారు. కట్టుదిట్టమైన భద్రత ఏర్పాట్ల మధ్య రాజీవ్ కుమార్‌ను విచారిస్తున్నట్లు పోలీసులు చెప్పారు. ఇక్కడికి రాజీవ్ కుమార్ , ఆయన తరఫున న్యాయవాది బిశ్వజిత్ దేబ్ , సీనియర్ ఐపీఎస్ ఆఫీసర్లు జావేద్ షామీమ్ , మురళీధర్ శర్మ వచ్చారు.

న్యూఢిల్లీ: ప్రధాని నరేంద్ర మోదీ ఏపీ పర్యటనకు వ్యతిరేకంగా కాంగ్రెస్ పార్టీ నిరసన కార్యక్రమాలు చేపడుతుందని పీసీసీ అధ్యక్షుడు రఘువీరారెడ్డి వెల్లడించారు. విభజన హామీలు అమలు చేయకుండా ప్రధాని మోదీ ఏం మొహం పెట్టుకొని రాష్ట్రానికి వస్తున్నారని ప్రశ్నించారు. ‘మోదీ సభను అడ్డుకొబోం. అయితే నల్ల జెండాలతో నిరసన తెలియజేస్తాం’ అని ఆయన అన్నారు.

న్యూఢిల్లీ:పౌరసత్వ సవరణ బిల్లు ఎవరికీ ఎటువంటి హానీ జరుగదని ప్రధాని మోదీ అన్నారు. ఆయన శనివారం అస్సాంలోని సుమలిగఢ్ రిఫైనరీకి శంకుస్థాపన చేశారు. అనంతరం బ్రహ్మపుత్ర నదిపై నిర్మించిన ఆరు వరుసల వంతెనకు శంకుస్థాపన చేశారు. అనంతరం గుహవాటిలో జరిగిన బహిరంగ సభలో మాట్లాడుతూ పౌరసత్వ సవరణ బిల్లుపై ఏసీ గదుల్లో కూర్చున్నవారు అసత్య ప్రచారం చేస్తున్నారని అన్నారు.

న్యూఢిల్లీ: విదేశాల్లో అక్రమంగా ఆస్తులు కలిగివున్నారనే కేసుకు సంబంధించి కాంగ్రెస్ నేత ప్రియాంకగాంధీ భర్త రాబర్ట్ వాద్రా మూడవ రోజు కూడా ఎన్‌ఫోర్స్‌మెంట్ డైరక్టరేట్ అధికారుల ఎదుట హాజరయ్యారు. విదేశాల్లో చట్టవిరుద్ధంగా ఆస్తులు కూడబెట్టారని ఈడీ కేసు నమోదు చేసింది. తొలిరోజు ప్రియాంకగాంధీ భర్త వాద్రాతో కలిసి స్వయంగా వచ్చారు. ఆరోజు వాద్రాను దాదాపు ఆరుగంటల పాటు విచారణ చేశారు.