న్యూఢిల్లీ, నవంబర్ 3: ప్రధాని నరేంద్రమోదీ ‘శివలింగంపై తేలు’ అంటూ అనుచిత వ్యాఖ్యలు చేసిన కాంగ్రెస్ సీనియర్‌నేత శశిథరూర్‌పై పరువునష్ట దావా వేశారు. థరూర్ వ్యాఖ్యలు ప్రధాని పదవినే కాకుండా శివభక్తులను అవమానించేలా ఉన్నాయంటూ ఢిల్లీకి చెందిన బీజేపీ నేత రాజీవ్ బబ్బర్ అన్నారు. ఐపీసిలోని 499,500 సెక్షన్ల కింద కాంగ్రెస్ ఎంపీపై ఆయన పరువునష్టం దావా వేశారు.

న్యూఢిల్లీ: తనపై మాజీ కేంద్ర మంత్రి ఎంజే అక్బర్ లైంగిక దాడికి పాల్పడ్డారని మీటూ ఉద్యమంలో భాగంగా తీవ్ర ఆరోపణలు చేసిన పాత్రికేయురాలు పల్లవి గొగొయ్ ట్విట్టర్‌లో స్పందించారు. నేను దీనిపై నిజాలు వెల్లడిస్తూనే ఉంటానని అన్నారు. దీనివల్ల అతని చేత వేధింపులకు గురైన మిగిలినవారు బయటకు వస్తారని అన్నారు. కాగా మా మధ్య బంధం ఇద్దరి అంగీకారం వల్ల జరగలేదని, ఒత్తిడి, అధికార దుర్వినియోగంతో జరిగిందని అన్నారు.

న్యూఢిల్లీ: సీబీఐ చీఫ్ అలోక్ వర్మా తొలగింపు అంశాన్ని కాంగ్రెస్ పార్టీ సుప్రీంకోర్టులో సవాల్ చేసింది. ఈ మేరకు ఆ పార్టీ లోకసభ నాయకుడు ఖర్గే సుప్రీంలో శనివారంనాడు పిటిషన్ దాఖలు చేశారు. ఇది పూర్తిగా అనైతిక చర్య అని మలిఖార్జున ఖర్గే పేర్కొన్నారు. సీబీఐ చీఫ్ రెండేళ్ల నిర్ణీత పదవీకాలం ఉంటుందని అన్నారు. సెలక్షన్ కమిటీ ఆమోదం లేకుండా బదిలీ చేయకూడదని ఆయన ఆ పిటిషన్‌లో పేర్కొన్నారు.

న్యూఢిల్లీ: దేశవ్యాప్తంగా ఇంధన ధరలు తగ్గుముఖం పట్టాయి. దేశ రాజధాని ఢిల్లీలో పెట్రోల్ ధర 19 పైసలు తగ్గింది. దీంతో ఈరోజు పెట్రోల్ ధర రూ.78.99గా ఉంది. అలాగే డీజిల్ ధర 11పైసలు తగ్గి రూ.73.33గా ఉంది. హైదరాబాద్‌లో పెట్రోల్ ధర రూ.83.75గా ఉండగా, డీజిల్ ధర రూ.80కి చేరుకుంది.