తేజస్విని ఫిలింస్ పతాకంపై యాదాకుమార్ కధానాయకుడుగా నిర్మించిన చిత్రం ‘లైఫ్’. ఈ చిత్రంలోని పాటలు మధుర ఆడియోద్వారా విడుదలై మంచి ఆదరణ పొందాయి. రెడ్డం యాదాకుమార్ స్వీయ దర్శకత్వంలో నిర్మించిన ఈ చిత్రం అన్ని కార్యక్రమాలు పూర్తిచేసుకొని ఈ నెల 17న విడుదలకు సిద్ధమైంది.

చామకూరి కంబైన్స్ పతాకంపై స్వీయ దర్శకత్వంలో చామకూరి.ఎం నిర్మించిన చిత్రం ‘నందు’. ఈ చిత్రానికి సెన్సార్ వారు యు/ఎ సర్ట్ఫికెట్ ఇచ్చారు. ఈ సందర్భంగా దర్శక నిర్మాత మాట్లాడుతూ, బాలలపై నిర్మించిన ఈ చిత్రం అందరికీ నచ్చుతుందని సినిమాకు సెన్సార్ వారు యు/ఎ సర్ట్ఫికెట్ ఇవ్వడం ఆనందంగా ఉందని తెలిపారు.

నటి రమ్యశ్రీ స్వీయ దర్శకత్వంలో ఎ.ఆర్.ఎంటర్‌టైన్‌మెంట్స్ పతాకంపై నిర్మించిన చిత్రం ‘ఓ మల్లి’. బి.ప్రశాంత్‌కుమార్ నిర్మాణతలో రూపొందించిన ఈ చిత్రం తొలి కాపీ సిద్ధమైంది. చిత్రానికి సంబంధించిన లోగో ఆవిష్కరణ కార్యక్రమం హైదరాబాద్ ప్రసాద్ ల్యాబ్‌లో జరిగింది.

చందు దర్శకత్వంలో ఛార్మి ప్రధాన పాత్రలో డి.వెంకట సురేష్, కె.సూర్యశ్రీకాంత్ నిర్మించిన చిత్రం ప్రేమ ఒక మైకం. ఈ చిత్రం అన్ని కార్యక్రమాలు పూర్తిచేసుకుని జూన్ 7న విడుదలకు సిద్ధవౌతోంది. ప్రస్తుతం రీ రికార్డింగ్ కార్యక్రమాలు జరుపుకుంటున్నారు.