మా పార్టీని ఆ ఏడుకొండల వాడే కాపాడాలని అని టీడీపీ సీనియర్ నాయకుడొకరు వాపోయారు. అంత కష్టం ఏమొచ్చింది అంటే ? మనుషులు బాగు చేస్తే బాగుపడే పరిస్థితి కనిపించడం లేదు. అందుకే దేవుడిపై భారం వేశానంటున్నారు. జగన్ నాస్తికుడు అందుకే ఇప్పటి వరకు తిరుపతి వెళ్లలేదు అంటూ టిడిపి నాయకులు మండిపడ్డారు.

శత్రువును ఎవరు ఓడించినా, బాధించినా ఆనందపడడం ఆనవాయితీ. ప్రస్తుతం రాష్ట్రంలో ఇదే పరిస్ధితి నెలకొంది. క్రికెట్ ఆటకు పరిమితమైన ఈ ఆనందం రాజకీయాలకు పాకింది. గతంలో ప్రపంచ క్రికెట్ కప్ పోటీల్లో పాకిస్తాన్ ఫైనల్స్‌కు చేరితే, ఆ జట్టుతో ఆడే ఆస్ట్రేలియా గెలవాలని భారతీయులు కోరుకుంటారు.

రాజుతో పాటు కీలక స్థానాల్లో ఉన్నవారు అంతా కలిసి ఒకేసారి దేశాన్ని వీడి వెళ్లరాదనే నియమం రాజుల కాలం నుంచి పాటిస్తున్నారు. చివరకు వ్యాపార సంస్థల్లో సైతం ఈ సూత్రాన్ని పాటిస్తారు. అదేం చిత్రమో కానీ కాంగ్రెస్‌లో ఈ మధ్య తరుచుగా ముఖ్యమైన వారంతా రాజధాని నగరాన్ని వీడి ఢిల్లీలో మకాం వేస్తున్నారు.

ఎందుకంత హడావుడిగా వెళతారు? మీరు అసెంబ్లీకి వెళ్లేది వాయిదా వేయించుకోవడానికే కదా? అని ఇంట్లో శ్రీమతి గారు అన్నారు అని చెప్పుకోవడం ఎమ్మెల్యేలకు మామూలే. అలాంటిది ఈ మధ్య ఎప్పుడూ లేని విధంగా అసెంబ్లీ కార్యకలాపాలు యధావిధిగా సాగడం అందరికీ ఆశ్చర్యం కలిగించింది.