రొట్టె పిండి తడిపి పెట్టాము. దాన్ని అరచేతితో అదుముతున్నాము. అది మన చేతిదారినుంచి తప్పుకోవాలి. కనుక అదిమిన కొద్దీ పక్కకు సాగుతుంది. రాను రాను పలచనవుతుంది. ఇక అరచేతితో కాకుండా అడ్డంగా చేతి అంచుతో అదుముతున్నామనుకుందాం. కరాటే పద్ధతిలో కొడుతున్నాము. కానీ, నెమ్మదిగా కొడుతున్నాము.

23 ఏప్రిల్, 1858న పుట్టిన మాక్స్ ప్లాంక్ భౌతిక శాస్త్ర రంగానికి పునాదులు వేసినవారిలో ముఖ్యుడు. క్వాంటం సిద్ధాంతానికి అతనే శ్రీకారం చుట్టాడు. అణువు, పరమాణువుల పని తీరు ఈ సిద్ధాంతంతో ఎంతో మారింది. 20వ శతాబ్దపు సిద్ధాంతాలలో చాలా ముఖ్యమయిన సిద్ధాంతమిది.

*న్యూజీలాండ్‌లో 26 మిలియన్ సంవత్సరాలనాడు బతికిన పెంగ్విన్‌లు 1.3 మీటర్ల ఎత్తు ఉండేవి. అంటే ఇప్పటి ఎంపరర్ పెంగ్విన్‌ల కన్నా 0.3 మీటర్లు ఎత్తు!

బెలూగా జాతి తెల్ల తిమింగలాలు మాంసాహారులు. యూరపు, ఆసియా, ఉత్తర అమెరికాల ఉత్తర తీర ప్రాంతాలలో ఇవి ఉంటాయి. పుట్టినప్పుడు ముదురు రంగులో ఉండే వీటి చర్మం అయిదు సంవత్సరాల వయసు నాటికి మీగడ తెలుపుగా మారుతుంది. ఆర్కిటిక్ చలికి తట్టుకోవాలి గనుక వీటి చర్మం మందంగా ఉంటుంది.