21/05/2012
పరధనముల్ హరించి, పరభామల నంటి, పరాన్న మబ్బినన్
మురిపము కాని, మీదనగు మోసమెరుంగదు మానసంబు, దు
స్తరమిది, కాలకింకర గదాహతి పాల్పడనీక మమ్ము నే
తరి దరిజేర్చి కాచెదవో? దాశరథీ కరుణాపయోనిధీ
నేర్చుకుందాం
20/05/2012
నేనొరించు పాపముల నేకములైనను నాదు జిహ్వకున్
బానకమయ్యె మీ పరమ పావన నామము దొంటి చిల్క’రా
మా , నను గావు’మన్న తుదిమాటకు సద్గతి జెందె గావునన్
దాని ధరింప గోరెదను దాశరథీ కరుణాపయోనిధీ
19/05/2012
అగణిత జన్మ కర్మ దురితాంబుధిలో బహు దుఃఖ వీచికల్
దెగిపడ, నీడలేక, జగతీ ధవ నీ పదభక్తి నావచే
దగిలి తరింప గోరితి బదంపడి నాదు భయంబు మాన్పవే
తగదని చిత్తమందిడక దాశరథీ కరుణాపయోనిధీ
17/05/2012
పాపము లొందువేళ రణపన్నగ భూత భయ జ్వరాదులం
దాపదనొందువేళ, భరతాగ్రజ మిమ్ము భజించువారికిం
బ్రాపుగ నీవు దమ్ముడిరు ప్రక్కియలం జని తద్విపత్తి సం
తాపము మాని; కాతురట, దాశరథీ కరుణాపయోనిధీ
16/05/2012
జనవర, మా కథాళి వినసైపక కర్ణములందు ఘంటికా
నినదవినోదముల్ సలుపు నీచునకున్ వరమిచ్చినావు నీ
న్ననయము నమ్మి కొల్చిన మహాత్ముల కేమి యొసంగెదో సనం
దనసుత, మాకొసంగుమయ దాశరథీ కరుణాపయోనిధీ
15/05/2012
కలియుగ గమర్త్యకోటి నిను కన్గొనరాని విధంబొ, భక్త వ
త్సలతవహింపవో, చటుల సాంద్ర విపద్ద శవార్ది గ్రుంకుచో
బిలచిన పల్క వింత మరసే నరులిట్ల నరాదు గాక నీ
తలపున లేదె సీత చెర దాశరధీ కరుణాపయోనిధీ
14/05/2012
గద్దరియోగి హృత్కమలగంధర సానుభవంబు జెందు పె
న్నిద్దవుగండు డేటి, ధరణీ సుత కౌగిలి పంజరంబునన్
ముద్దులు గుల్కు రాచిలుక, ముక్తి నిధానను రామ, రాగదే
తద్దయు నేడు నాకడకు దాశరథీ కరుణాపయోనిధీ
13/05/2012
కుక్షినజాండ పంక్తు లొనగూర్చి చరాచరజంతు కోటిసం
రక్షణచేయు తండ్రివి, పరంపర నీ తనయుండనైన నా
పక్షము నీవు గానలె? పాపము లెన్ని యొనర్చినన్ జగ
ద్రక్షక, కర్తనీవె కద, దాశరథీ కరుణాపయోనిధీ
12/05/2012
పెంపను దల్లివై కలుష బృందసమాగమ మొందకుండ ర
క్షింపను దండ్రివై, మెయి వసించు దశేంద్రియరోగముల్ నినా
రింపనువెజ్జవై కృప గురించి పరంబు దిరంబుగా గ స
త్సంపదలియ్య నీవె గతి దాశరథీ కరుణాపయోనిధీ
10/05/2012
విన్నపమాలకించు ర ఘువీర సహి ప్రతిలోక మందు నా
కన్న దురాత్ముడుం బరమ కారుణికోత్తమ వేల్పులందు నీ
కన్న మసాత్ముడుం బతిత కల్మష దూరుడు లేడు నాకు వీ
ద్వన్నుత నీవె నాకు గతి దాశర ధీ కరుణాపయోనిధీ
Pages
