స్వామివారి అద్భుత శక్తులుచూసి ఆకర్షితుడై, ఆనాటినుంచే ధర్మమార్గంలో నడవసాగాడు. హిందూ ధర్మప్రాశస్త్యం తెలిసికొని, స్వామివారి సేవకు ప్రతినెలా ధనం ఇవ్వటానికి నిశ్చయించుకొన్నాడు. ఆ విషయాన్ని మంగళదాస్ ఠాకూర్ ద్వారా స్వామీజీకి నివేదించుకొన్నాడు. అది విని స్వామివారు ఆగ్రహోదగ్రులై తన అసమ్మతిని తెలిపారు.

ఆయన హిందూ దేవతలను ఉపాసించటం వ్యర్థమని ప్రబోధింపసాగాడు. వారిని నిందింపసాగాడు. ప్రజలను తన ధర్మం వైపుకు తిప్పుకోవటానికి ప్రయత్నించసాగాడు. ఒక్క ఈశ్వరుడే జగత్కర్త అని, ఆయన నిరాకారి-చైతన్య స్వరూపుడు-సర్వవ్యాపి అయి జగత్కల్యాణ కారకుడవుతున్నాడని ప్రబోధించాడు.

అది చూసి గాభరా పడిన పరివారం, కారణం ఏమిటో తెలియక గొడవపడసాగారు. కొద్దిసేపటికి రాజుగారికి తెలివి వచ్చింది. అట్లా పెద్దగా అరవటానికి కారణమేమిటని పరిజనం రాజును ప్రశ్నించారు. కాని మహారాజు ఆ రాత్రి వారికేమీ చెప్పలేదు.

స్వామివారి అసలు పేర్లయిన త్రైలింగధరుడు- గణపతిస్వామి వంటివి వారికి తెలియకపోవడంవలన, త్రిలింగ దేశానికి చెందినవాడని తెలుసుకొని, ఆయనను త్రైలింగస్వామి అని పిలువసాగారు.