భద్ర, సింహా వంటి సక్సెస్‌ఫుల్ చిత్రాలను మనకు అందించిన బోయపాటి శ్రీను దర్శకత్వం వహించిన ‘దమ్ము’ పరమచెత్తగా వుండి తెలుగు ప్రేక్షకులకు తీవ్రమైన శిరోభారం మిగిల్చింది. లాజిక్‌కు అందని కథ, అసహనం కలిగించే స్క్రీన్‌ప్లే సినిమా ఫెయిల్ అవడానికి ముఖ్య కారణాలు.

ఆరెంజ్ సినిమా ఫ్లాప్‌తో తీవ్ర నిరాశకు గురైన రామ్‌చరణ్ అభిమానులకు ఆనందాన్ని తిరిగి యిచ్చిన టూ అవర్స్ నాన్స్‌స్టాప్ ఎంటర్‌టైనర్ ‘రచ్చ’. రామ్‌చరణ్ చేసిన డాన్స్‌లు, ఫైట్స్, కామెడీ సీన్స్, ముఖేష్‌రుషి అనుచరగణంతో యాక్షన్ సన్నివేశాలు, పంచ్ డైలాగ్స్ అన్నీ అదరహో! తమన్నాతో రొమాన్స్ కూడా బాగా వచ్చింది.

ఎన్నో అంచనాలతో మొదటి రోజే రచ్చ సినిమాకి పోతే పూర్తి నిరుత్సాహంతో ఇంటికి తిరిగి రావాల్సివచ్చింది. ఎందుకంటే సినిమా అంతా పాత చింతకాయ పచ్చడిలా వుంది. ఎక్కడా కొత్తదనం లేదు. అసలు రామ్‌చరణ్‌కి ఈ సినిమా కథలో ఏం నచ్చి ఒప్పుకున్నాడో ఏంటో... పార్తీబన్, అజ్మల్‌ల క్యారెక్టర్లకు సరైన ప్రాముఖ్యం లేదు.

అబ్బా, ఎన్నాళ్ళకు ఎన్నాళ్ళకు ఓ మంచి ‘లవ్‌లీ’ పిక్చర్ చూసి తృప్తిపడ్డాం. ముఖ్యంగా యువతరాన్ని లక్ష్యంగా చేసుకుని రూపొందించిన చిత్రమిది. ప్రతి సన్నివేశంలో దమ్ముంది. కెమెరాతనం బాగుంది.. అనూప్‌రూబెన్స్ పాటలు విన్నకొద్దీ మెలోడీయస్‌గా వున్నాయి. ఆది చురుగ్గా నటించడమేగాక మంచి డాన్సర్ అనిపించుకున్నాడు.