ఆలూలేదు.. చూలూలేదు కొడుకు పేరు సోమలింగం అన్న చందంగా ఉంది వికెట్‌కీపర్ వృద్ధిమాన్ సాహా వ్యవహారం. జాతీయ జట్టులో స్థానాన్ని పదిలం చేసుకోలేక లెక్కలేనన్ని సార్లు ఉద్వాసనకు గురైన అతను తన స్థాయిని మరచిపోయి ఏకంగా కెప్టెన్సీ గురించి ఆలోచించడం వింతగా ఉంది.

ఉజ్వల కెరీర్‌ను చేతులారా నాశనం చేసుకున్న క్రికెటర్ల జాబితాలో చేరి, గత్యంతరం లేని పరిస్థితుల్లో క్రికెట్‌కు గుడ్‌బై చెప్పిన ‘బ్యాడ్ బాయ్’ ఆండ్రూ సైమండ్స్. అసాధారణ ప్రతిభ ఉన్నా క్రమశిక్షణా రాహిత్యం అతనిని అథఃపాతాళానికి పడేసింది. అతనిది ఎంత విలక్షణమైన ఆటో అంతకంటే విపరీత ధోరణి.

ఒకప్పుడు ఒలింపిక్స్‌లో తిరుగులేని ఆధిపత్యాన్ని కొనసాగించిన భారత హాకీ జట్టు ఇప్పుడు అవే పోటీల్లో పాల్గొనే అర్హత సంపాదించడానికి నానా పాట్లు పడుతున్నది. ఊరిస్తున్న ఒలింపిక్స్‌ను చేజిక్కించుకోవడం ఎలావున్నా, కనీసం ఆ మెగా ఈవెంట్‌లో పాల్గొనే అర్హత సంపాదిస్తే చాలన్న అభిప్రాయంలో ఉంది.

భారత హాకీ జట్టు 1928 నుంచి ఇప్పటి వరకూ 17 పర్యాయాలు ఒలింపిక్స్‌లో పాల్గొంది. 16 మంది కెప్టెన్లుగా వ్యవహరించారు. పర్గాత్ సింగ్ మాత్రమే 1992, 1996 సంవత్సరాల్లో, రెండు సార్లు జట్టుకు నాయకత్వం వహించాడు. ఈ విధంగా రెండు ఒలింపిక్స్‌కు నాయకత్వం వహించిన భారతీయుడు అతనే.