అడక: తెలుగు భాష ప్రాచీనతకు గాథా సప్తశతిని సాక్ష్యంగా పేర్కొనడం బాగానే ఉంది. అంతకుముందే తమిళం ఉన్నదని చెప్పడం ఎంతవరకు సబబు? -ఆర్.రామేశ్వరం, హైదరాబాద్

సొగసు చూడతరమా అని కవిగారు ఊరకే అనలేదు. సొగసు పాదాల్లో వుంటుందని చైనావారు ఎక్కువగా భావిస్తారట. మనమూ పాదాల్లో సొగసులు చూస్తాం అయితే అది పద్యపాదాల్లో. వాక్య సముదాయంలోని వాక్యపాదాల్లో. పాదాల్లో ప్రయోగించే పదాలే భాషలో సొగసు మరి!

పెరనుడుల నుంచి మాటలను తెచ్చుకొని వాడడం అన్ని నుడులలోనూ ఉన్నదే. అయితే, ఆ ఎరువు మాటలను మన పలుకు తీరుకు అనువుగా మార్చుకొని వాడడం సరైన తీరు. రోడ్, బస్‌లాటి మాటలను రోడ్డు, బస్సు, అనే కదా వాడుతున్నాం? మచ్చుకు - హోసూరు తావున వాన కార్తెలను తెలుగు పలుకుతీరుకు అనువుగా మార్చుకొని పలుకుతుంటారు.

దేశానికి ‘స్వాతంత్య్రం’ అంటే ‘పరాయి దేశస్థుడు మన దేశాన్ని వదలి వారి దేశానికి వెళ్లిపోవడం’ అనే భ్రమలో మనం జీవిస్తున్నాం. కాని ఆ పరాయి దేశస్థుని భాషా గోపురాలక్రిందే, వారి వ్యాపార పునాదులపైనే మనం జీవిస్తున్నామన్న విషయం మాత్రం మరచిపోతున్నాం.